聽完 ML 的心底話，我們相對無言， 也許大家都需要時間整合一下！ 我：「 好多謝你對我嘅重視同埋信任！對於你嘅過去，我作為外人唔應該有太多評論！而作為朋友，我覺得你應該同 Sarah好好傾一傾，因為你唔知道佢對你用情有幾深！一個女人願意無名無份去為你做左咁多，仲似乎打算將自己一生奉獻埋比你，你應該好好諗清楚，再比個交代佢！唔好再自私咁拖落去！」 ML：「你知道嗎？由我第一日識你開始，我已經覺得你唔似23歲，你好似經歷左好多，知道得比同年紀嘅女仔多好多！就算 Sarah 比你大六年，佢都好似仲未知道自己想要乜咁樣，所以我覺得同你好㚒，唔知點解好容易就可以同你講好多心事，好想快啲比你知道關於我嘅好多野！三十幾歲人第一次有呢種感覺！我覺得我要揾嘅人就係你啦！」 我：「但點解我覺得你喺感情上好似仲未長大咁嘅呢？我唔係唔認同一見鍾情！不過我講緊嘅係處理手法嘅問題！愛情，冇錯，好多人都係憑感覺，呢個年代好多人都覺得啱FEEL就一齊，甚至閃婚！冇話一定啱或者一定係錯！只係，我覺得既然你人生已經混亂過一次！係咪應該謹慎啲呢？」 ML：「你知道呢個新年我係點樣過嗎？反反覆覆諗左好耐，諗左好多，我知可能你覺得太快，一時間接受唔到，但我地可以慢慢黎！慢慢等你了解我係一個點樣嘅人，總之我想你知道我唔想錯過你！唔想比人搶走你！」 我：「我覺得我地可以做好好嘅朋友，或者係知己！但無論點都好，你都應該好好同Sarah傾下先，一件還一件！我相信你工作處事係好成熟架！希望你對待感情都可以一樣！」 ML：「Okok～我應承你會好好處理我嘅感情事！由朋友開始先冇問題，最緊要你會比機會我！我唔會令你失望架！之前我以為你要同我絕交先咁耐唔覆我～」 我：「最近我煩緊揾工呀！Send左好多CV出去，見係有見過幾份，但都冇適合嘅～日子一日一日咁過，再咁落去，我嘅經濟就有好大問題啦～好苦惱呀！拿～先旨聲明，我唔需要你借錢或者介紹工作比我！我會有無形壓力架！講比你聽係因為我當你係知己！」 回到過去，本來想好好為事業打拼一下！畢竟十幾年來都為愛情而活，難得有機會重頭開始，卻發現自己還是在愛情中徘徊！所以，我漸漸明白我在事業上失敗的主因！從來不是學歷不是年紀不是機會，而是我自己的心，自己的態度問題！ 二十出頭的女人如果不努力，不好好為自己的事業及未來計劃，一恍眼就三十歲，之後再想要認真就會難上加難，因為，這是個殘酷的世界！你不能預知未來，更不能保證天色常藍。 所以我要振作！失敗是成功之母，明天要繼續努力找工作！ （待續）
