Netflix 的《怦然心動的人生整理魔法》 深深打動了我。我同很多香港人一樣，喜歡旅行，喜歡食玩買，每次旅行都收穫豐富（每次都將手信放在酒店的床上影相，所以有記錄)，最後只能在自己的房間越積越多。 我很想結婚搬屋前，帶上少量物品就能入住新屋。（男朋友不要覺得有壓力，我也會存錢，層樓不用寫我名，我係咪好好呢！）可惜每天放工後，回到家中玩一陣手機，又差不多要瞓覺了。如是者，張床有一半都用來擺放物品。 之前去男朋友屋企食飯，食完飯睇Netflix的《怦然心動的人生整理魔法》，睇完第一集就下定決心要清理物品。 之後連續兩歌星期六日唔出街，整理出一大堆不會再用的物品。甚至連ex的情信（佢成日抄歌詞，我以前竟然覺得好浪漫，omg！）拍照做記錄後都全部丟掉。然後把有價值的物品全部放上旋轉拍賣，希望賺返少少（再講多次，我每個月都有存錢！） 不過衣服比較難賣出，如果一個星期都冇人要，我就會捐去救世軍。經過一輪努力後，我終於可以瞓返成張床。而且物品減少，空間增加，真的會令人心情變好！
