今日share自己歷時大半年嘅種牙辛酸史😓，唔知有冇同我一樣經驗😅事緣年前自己做過杜牙根戈隻牙，食塊豬骨嘅時候咬崩咗，當時成個人傻曬，去翻做杜牙根嘅個家牙科（係皇朝個度），醫生話冇得整翻要剝牙，又收我咗$2000，仲sell我種埋隻牙，我諗到佢哩度連杜牙根d質量都咁差，就婉拒咗。因為之前有了解過缺牙嘅危害，所以即刻去網上搵種牙比較好嘅地方。唔睇唔知道，一睇就嚇親，shing都話種牙至少2萬起步，仲只系落釘，有d骨量唔夠，可能仲要補骨粉，恐怖嘅係骨粉按 g 計，有時比隻植體仲貴（有諗過澳門牙醫好賺，但冇諗到佢賺咁多）。不過網上人地講自己未必都信，於是就去咗kw做了解。book咗劉琴醫生，主任顧問醫生，資歷咩也都ok。佢同我check完隻牙後講要種牙就要趁早，唔係牙槽骨萎縮手尾更加長，之後報價$26000，果然係謀財醫院，價錢都超我budget。 對比完本澳嘅牙醫收費，最終都係決定北上睇牙，其實開頭都有諗住過大海搵香港牙醫整嘅，因為之前屋企人大病，都有搵香港牙醫習慣。但考慮到戈度疫情嚴重到鬼咁，睇完牙返來都要食喜來登防疫餐成個禮拜，而且香港牙醫收費可能同澳門差唔多，所以最終都係放棄。問咗周圍有去過大陸整牙嘅fd，有個fd介紹拱北維港，話係關閘過去就到，同埋係香港牙科品牌，同佢當年去香港睇牙嘅體驗差唔多。佢屋企人仲系度做咗副活動假牙，用咗咁耐都冇問題。自己係網上搵咗聯繫方式，了解的差唔多，就book時間去做檢查。去到問診同埋影x-ray都系免費嘅，醫生根據我情況推薦我種Nobel pmc$11800人仔（其實仲有更加貴嘅，但醫生只會根據情況推薦），諗住服務同價錢都幾抵就決定系度種了，不過下個星期先開始，哩個星期先將口腔環境處理好。一個星期後，就開始一期手術（上次醫生話總共有三期）。哩次手術目的就系將植體釘入骨頭。先系嘴周圍消毒，之後面同身體蓋張手術布，打麻藥，等麻藥起效就開始了。成個過程都好似冇咩太大感覺，就系鑽植體嘅時候，覺得成只頭都震咁，其他感覺還好，大概20分鐘就縫好線完成了。後尾就系d注意事項同埋按時食消炎藥，不過第二日亦都冇腫痛，第三日開始都唔食止痛藥。 又過十日，翻去拆線，之後就等三個月後翻來檢查睇下是否可以進行二期。因為恢復得好，所以就開始二期了，二期其實就系擰個基台（相當於螺母），不過亦都要打麻藥，比較簡單所以大概半個鐘就ok了。之後過一個星期翻來拆線。 拆萬線又再過多個星期，就三期，即系定制隻牙套，都簡單，而且唔駛手術，就系取個模。大概十日後，就可以套上了，再調整下位置，就完成了。 種牙都系幾辛苦嘅，前前後後騰來騰去咗三四個月，再加埋之前去了解個排時間，就差唔多大半年過去咗。好在搵到咗好手勢嘅醫生，宜家亦都整翻好隻牙，算不幸中嘅萬幸。所以平時都系要好好保護牙齒，有牙病都系要去睇醫生，千其冇拖，唔系嘅話更加大禍。
