有 人話，如果大家原本嘅性格match D，關係會容易D維持，少D爭執。咁講都冇錯，性格相近或者夾(相近即係似，夾係一個凹一個凸嗰種)，喺關係裡面需要作出嘅努力係少D，會慳D力，不過亦 可以話，咁樣對個人嘅成長進步空間亦相對上細D。因為我哋會為咗所愛嘅人而變成一個更好嘅人，哩個係一個成長嘅好機會。例如，你見到男朋友變番做一條蛇， 你會唔抵得，可能你會投訴吓佢，表達吓你對佢嘅不滿同期望之類(如果你聽到投訴同不滿，嗰D其實都係期望)，咁佢就會感覺到佢係有需要做D嘢照顧吓你嘅， 於是佢會學，佢會慢慢似番個大人多D；又例如女朋友發覺到你同佢D細佬妹唔同，你會頂佢唔順嘅，咁佢會學吓兼顧人哋嘅感受。大家其實都因對方而學去做自己 以前唔洗做嘅嘢，於是變成一個更好嘅人，又或者話成熟咗。 Tips: 1. 所以，當你覺得佢同你唔夾，請你留意一吓，你同咗佢一齊之後有D咩改變咗、你有D咩比以前叻咗勁咗、或者以前唔識宜家識做嘅，然後你要多謝佢，你愛佢令你變成一個更好嘅人。 2. 當你覺得佢樣樣嘢唔順眼，你要明白，佢未識你之前原本就一直都係咁，係你要求佢為咗你改變去迎合你，佢為你改咗不論多定少，不論達唔達到你嘅標準，都係為咗遷就你、配合你而改，都係因為佢愛你。 當然，有人因為所愛變成一個更好嘅人，亦有人日日嘈交、分手收場，當中亦有原因。 ~Part2完~
