雖然用左護膚品超過10年, 但係有機產品真係第一次接觸~亦都一試就愛上左! 今次試用anumi嘅有機活肌維C鎖水精華~ anumi係澳洲有名嘅有機護膚品牌~產品全部係澳洲制造~絕對用得放心~~ 我嘅皮膚係混合偏油, 無論咩季節都係內乾外油, 一個產品對我黎講work唔work, 睇佢改唔改善到我出油情況就最明顯~ 用左anumi精華幾日後, 朝早訓醒明顯地出油少左~ 皮膚亦都真係平滑細膩左~ 細紋同皺紋都有改善左少少, 不過我唔EXPECT佢咁快~始終唔係真係打BOTOX~ 而上妝好明顯係貼左~佢真係做到即時滋潤乾燥肌膚~效果都幾出乎意料! 產品包裝~瓶口係按壓式泵裝設計~夠曬衛生~ 有機活肌維C鎖水精華嘅成份包括日本酯化天然維他命C (VC-IP)、印度沒藥、100% 純天然大馬士革玫瑰精油及透明質酸。 印度沒藥哩個成份第一次聽~於是上網做左少少資料搜集~ 一查之下發現哩個成份非常之勁~印度沒藥係一種名叫guggul樹嘅樹脂萃取, 有天然肉毒桿菌之稱。 印度喺自公元前600年已開始使用, 而古書亦有記載用佢製成嘅敷劑敷面! 佢嘅作用係令皮膚平滑細膩,減少細紋和皺紋。 產品名前面嘅4字代表係第4個STEP使用~好貼心呀! 產品流動性高~好水潤~顏色偏黃褐色~聞落有陣中草藥味...都幾難形容~應該係印度沒藥陣味~不過唔難接受~ 推開~睇下幾水! 吸收~ 頭2日用, 一搽上面真係瞬間吸收!而且皮膚表面咩都唔剩!可能我皮膚底層真係太乾...用左幾日之後好明顯皮膚狀況有改善呢~ 影相個日之前個晚應酬到夜晚點幾2點先返屋企~ 第2朝起身返工眼腫又冇神, 驚唔上粉於是搽多少少哩支精華打底~之後上妝都貼喎~真係多得佢~ 多謝收睇丫!下次見!^^ 歡迎聯絡我^^ : gackt_misery@hotmail.com theZtyle : http://www.theztyle.com/?79394 UBeauty : https://blog.ulifestyle.com.hk/blogger/chris0519/