元朗呢個小小地方開左起碼4間日式放題：雋太、瀛喜、大阪、緣聚，呢4間chopper都試過，當中最喜歡既反而係最唔出名既緣聚，貪佢食品選擇多，坐得又舒服 （雋太同瀛喜真係逼到食得好辛苦）。 之前驚覺緣聚執左笠，極度傷心左幾個星期，點知原來佢只係搬左舖，仲比我發現有團購優惠，所以即刻約左屋企人去試試。 店內裝修型左好多，可幸的是座位依然闊落： 一坐底每人送一杯夢幻特飲，我姪仔超鍾意：（佢話：識噴煙同著燈喎！） 食物選擇依舊多，賣相美觀，味道也算是我吃過的放題之中數一數二： 點擊圖片放大 +10 驚你唔夠飽，仲有得打邊爐： 甜品嘢飲任拎唔嬲，有啲仲係樽裝超落本： 點擊圖片放大 發現到超好味既芝士雪糕，一定要試呀！（我叫左三次） 埋單每人176，最抵係身高未過一米既姪仔唔駛收費！
