元朗近年開多左好多點心專門店，啱晒鍾意食點心但又唔想比茶樓收茶芥加一既我：P 今次試左兩間點心專門店，第一間係老點： 此店提供不少特色點心供大家選擇…… 根據店內既排行榜，響鈴腸（$28）係推介第一位，所以叫左黎試下，咸香蒸燒賣（$19）係季軍，所以都叫左一個試試～ 響鈴腸好大碟，抵食： 佢原來係有三層既，最裡面係好多好厚既鮮豬肉，食落啲肉好甜同彈牙， 中間嗰層係響鈴，咬落少少脆無油益味，但略嫌唔夠脆， 最外層係腸粉皮，厚度剛剛好，我覺得創意較味道出色。 咸香蒸燒賣都係以大粒取勝，燒賣用上瘦豬肉製作，食落啲肉都係又甜又彈牙，但唔知係咪因為咸香既關係，味道偏鹹： 今次仲試左百花蒸魚肚（$19）同山竹牛肉（$16），同樣都係份量十足，價錢合理，但都係略嫌味道偏鹹： 點擊圖片放大 食飽飽，埋單100蚊都唔駛，平過去茶樓飲茶。 再試埋第二間 －老馮茶居： 呢間提供既點心比較大路，沒有一些新派創新既點心可選，普遍價錢比老點貴一些，大概成本花了在裝潢上： 點擊圖片放大 此店全部以公雞碗杯碟作餐具，令用餐感覺更懷舊： 叫了一個魷香肉餅飯（$32）試試，飯以一個淺淺的瓦砵盛載，賣相討好， 肉餅用半肥瘦豬肉製作，配合士魷既香味，真的不錯！但以32蚊出售，我希望份量可以多一點…… 蝦餃（$28）同叉燒包（$18）味道不過不失，跟一般茶樓既味道沒有多大分別，價錢亦同茶樓不相上下⋯⋯ 總結： 老點以份量價錢取勝，而老馮既裝潢同味道技術性壓倒對手，今次打和啦～～！ 其實元朗仲有間大肚腩，都係點心專門店，有朋友試過話唔錯，有次試左佢個牛肉餅，果然有料到： 爆汁牛肉餅（$16）果然係爆汁既～同清真牛肉餅有得”鍊” 點心選擇都多，仲要平過老馮同老點，下次一定要坐低試試⋯⋯
