塔斯曼尼亞最出名既景點係搖籃山(Cradle Mountain)，如前往Cradle Mt.途中時間充裕， 可順道遊覽一下著名壁畫小鎮：莎菲鎮(Sheffield)。 Sheffield位於塔斯曼尼亞既西北面，鎮內壁畫處處，幾乎沒有一幅牆係空白，故有“壁畫小鎮”的稱號。 原來喺八十年代，一群生意人決定以壁畫來重新活化當時寂靜沉悶的Sheffield，因而為這裡繪上一幅幅的壁畫。 至今已有約50多幅壁畫留在具歷史意義既建築外牆上，娓娓道來Sheffield的歷史。 點擊圖片放大 唔好以為啲壁畫係一般嗰啲graffiti，呢啲壁畫既構圖、畫功絕不馬虎，因為好多係由當代極具盛名的大師級藝術家和專業畫家繪畫。 打開個罐頭見到塔斯曼尼亞最出名既景點 -- 搖籃山，構圖意念獨特~ 請留意右手面既門係真的，個簷幕都係真的，但門上面既陰影係畫上去的，勁~~ 呢兩幅就畫得好立體，勁過啲咩3D 畫展~! 之不過，有一幅畫既畫風係完全唔同，而畫功係異常粗糙的，佢就係由當年拍現代塵世美既Eason即席繪畫的"大作"。 不過，一啲無功德心既人竟然將呢幅壁畫弄污，真係shame on you ...... Eason的壁畫位於旅游資詢中心旁的壁畫公園，大家有機會的話都可以去睇下佢既"大作"！ 更多Sheffield 及附近的旅遊景點可參考: http://www.sheffieldtasmania.com.au/attractions1.html **平飛塔斯曼尼亞小貼士** 想平飛塔斯曼尼亞既話，汶萊皇家航空往返澳洲墨爾本只需$2,370，連稅$3,864 (as at 24/2/2016)，當中汶萊飛墨爾本仲係以全新波音787夢幻客機執飛， 詳情自己睇：https://www.flyroyalbrunei.com/en/hong-kong-sar/ 去墨爾本玩幾日，再買埋Jetstar 內陸機去塔斯曼尼亞又玩幾日，都只係加多約$1,500 到， 即係約$5,500 蚊就去到塔斯曼尼亞玩啦! 大家仲唔plan 下？
