近距離接觸野生動物～ 小朋友第一次咁近睇勁興奮～ 不斷問咩嚟㗎？咩嚟㗎？ 最特別係可以餵長頸鹿食蕉 海豚表演都好精彩！ 媽媽我都玩得好開心啊～ *我好嘢蚊㗎！雖然係戶外地方，但係唔見有蚊咬我喎！地方仲好大好靚添！廁所乾淨到你唔信，非常推介親子好去處 影片分享 食完酒店自助早餐，休息一陣就call車出發喇！ Grab THB592，行高速公路另外收咗7-80泰銖 呢個司機原來自己本身有做包車，有需要可以搵佢 冇塞車情況下大約45分鐘到達！先落車去售票處換飛～ 每日都有特別節目，我要睇返時間表自行選擇！ 我哋早一日係KKDAY訂左飛，hk$210一個大人，野生動物園加海洋公園門票，100 cm以下免費！ 比直接係門口買飛平啊！ 參觀野生動物園嘅雙層巴士，好似每半小時一班，45泰銖一個人 不過我哋唔坐觀光巴士，因為頭先call 個架Grab司機sales埋我地入園500泰銖一程，老公覺得好方便所以join咗，哈哈！ 包車確係爽啲嘅！司機會停車俾你影相，一路留意住你情況，見你想影相即刻停車架！好貼心～ 點擊圖片放大 超近距離，可以開窗欣賞動物～ 去到猛獸區就要關窗啦！ 停下影吓相咁～喺呢度大約用咗50分鐘！ 如果搭觀光巴士大約30分鐘就睇完～ 跟住我哋就入海洋公園呢邊睇動物啦！ 有兒童推車出租，300銖/4小時，不過一路上都唔見有人推，哈哈！ 我哋行咗側邊條路，原來有條吊橋，條橋滿晒人⋯都驚驚地⋯ 行果條橋就見到呢間餐廳，一陣午餐我哋會喺度食！ 我哋先行去搵長頸鹿，沿路見到啲倒轉魚⋯ 100銖一桶香蕉 餵長頸鹿食蕉一定要來！小朋友好開心好好玩！ 突然聽到有啲音樂，啲長頸鹿衝曬出嚟就好似非洲草原咁！非常壯觀！ 餵完長頸鹿返嚟食午餐！Amina Cafe O….頭先冇人的，返轉頭滿座⋯ 點擊圖片放大 呢度嘅甜品幾特別喎！ 有兒童餐，我哋一點幾呢個鐘數已經賣晒海豚，得返獅子⋯ 點擊圖片放大 +2 小朋友有啲失望，唔係海豚⋯ 味道我覺得一般，上碟嘅時候已經凍晒～ 反而呢個賣相一般但係味道唔錯！白汁忌廉意粉～ 呢款長頸鹿甜品好食呀！非常精緻！ 食唔到海豚飯，飲返個海豚汽水～即刻開心返晒！ 呢度有海豚表演 最後行去睇開放嘅雀籠，啲雀仔飛係人嘅頭、膊頭、同手上面～超近距離接觸！ 最後呀仔太累頂唔順瞓咗⋯我哋都call車返酒店休息啦！379銖～ 瞓醒之後我哋book咗附近做Spa～喺酒店行過去大概10分鐘左右 我哋喺klook 預訂的 但係就大小同價，冇親子套餐⋯ 先來一杯冰茶 呢度係用床墊鋪地下的，同埋只用布簾隔開隔離床，沒有獨立房間⋯ 同埋預訂嘅時候冇得揀男定女技師，最後安排左一位男技師俾我哋⋯小朋友唔係咁鍾意男的⋯ 按左幾下，呀仔周圍郁⋯個男仔唔識搞，最後攞啲零食俾佢食⋯跟住帶咗佢落樓下玩⋯所以俾咗二百幾蚊請個人陪佢玩囉⋯ 按摩完後有點心⋯ 點擊圖片放大 對於帶小朋友嘅我嚟講，呢間麻麻地，冇獨立房、冇親子專屬套餐、之前呢間Sook真係超級推介！ 跟住行去Central World一風堂食晚餐 呢度有兒童餐喎！而且都唔太貴！ 兒童餐好豐富呀！而且味道都唔錯！ 有維尼熊餐具（出外旅行小朋友必備嘅iPad，哈哈） 小丸子同埋炸雞，都好食呀！ 呢杯冰桃茶都好好飲！ 點擊圖片放大 價錢唔貴而且好食！食物選擇種類多～推介啊～ **SAFARI WORLD** ・開放時間：09:00 – 17:00 ・最晚入場時間： 16:30 ・地址：99 Panyaintra Road，Samwatawantok, Klongsamwa Bangkok 10510 參考行程： Day4:酒店早餐>SAFARI WORLD-ANIMAL CAFE >One More Thai Massage>一風堂>洒店Ratchadamri ———————————— Follow 埋 IG:https://www.instagram.com/chochomamami/ 100個＋親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #4y #全職媽媽 #親子 #下雨天 #自由行 #parentalblogger #hkblogger #好去處 #放電 #室內遊樂場 #親子好去處 #曼谷親子遊 #KKday
