去到泰國冇理由唔做Spa 㗎！ 但係大部份都唔俾帶小朋友⋯ 咁帶住小朋友點算好呢？ 曼谷呢間Spa有親子按摩套餐 獨立房間，可以同小朋友一齊去爽！ 呀仔舒服到瞓着咗呢～ 返到嚟仲話要幫我洗腳按摩! 影片分享 去kidzania玩到五點關門，跟住就Grab call車出發去做Spa，車資201泰銖，呢個鐘數比平常更塞車⋯我哋等咗半個鐘先成功上到車，最可怕嘅係！10分鐘嘅車程用咗一個鐘先去到⋯唉～呢度塞車嘅情況真係好嚴重！大家要預留好時間，同埋避免返工放工時間搭車！ 我們比預約時間遲咗45分鐘先到達⋯ 一路有用inbox同老闆溝通，好彩都可以安排到照延遲返啲時間！ 就係呢幢大廈，行樓梯上2樓 點擊圖片放大 +2 終於到達啦！先來一杯涷茶同埋毛巾抹手 跟住可以選擇精油香氣 對小朋友好窩心！有冬甩形狀嘅香梘做小禮物～ 我仔開心到跳起⋯哈哈 大人都有㗎！精油香氣噴霧～ 一間房最多有兩張床，所以我同阿仔一間房，老公就另外自己一間～佢就勁爽啦！ 房間內有沐浴設施，空間闊落，感覺整潔！ 除衫換紙底褲，䄛返件袍就開始啦！ 先洗乾淨隻腳先！ 我仔第一次按摩覺得好搞笑！ 古靈精怪咁，搞到ee都係咁笑佢～ 佢發現左張床有個窿！窿入面仲見到有盆花，哈哈！好好玩！ 按到一半嘅時候舒服到瞓着咗了！ ee幫我地拍埋張床，咁就唔怕佢碌落地啦！ 最後有花茶同椰皇啫喱！好爽甜好好食！ 小朋友嘅係果汁啫喱，不過佢瞓咗我食埋佢！哈哈 老公做嘅係呢款1900泰銖/2小時，佢話好舒服～唔錯！ 我同個仔係親子套餐2550泰銖，大人90分鐘，小朋友75分鐘，好正呀！放鬆同時又可以兼顧到小朋友～*一般建議三歲以上就可以做，小朋友耐性有限，所以建議最多做一個鐘左右 給大家參考下～我係到咗泰國之後直接Facebook inbox預約的，後兩日日子都成功約到，老闆係香港人可以用中文溝通，方便快捷！ *Sook Sabai Health Massage* https://www.facebook.com/sooksabaispa/ 跟住我哋Grab call 車返酒店休息，車資183泰銖～今次冇乜點塞車好快就到啦！呀仔爽到瞓到天光先起身⋯ 參考行程： Day3:酒店游水>central world Mo Mo Paradise打邊爐>趣志尼亞兒童樂園kidzania>親子按摩sooksabaispa> 洒店Ratchadamri ———————————— Follow 埋 IG:https://www.instagram.com/chochomamami/ 100個＋親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #3y11M #全職媽媽 #親子 #下雨天 #自由行 #parentalblogger #hkblogger #好去處 #放電 #室內遊樂場 #親子好去處 #曼谷親子遊
