遊樂場就係Central world 2樓，由我哋間酒店Grande Centre Point Hotel Ratchadamri行過嚟，大約十分鐘左右到達！ 新開大半年！超放電室內遊樂場！ 以森林x火山x沙漠x海洋為主題， 波波池滑梯x超大彈跳迷宮x跳彈床x跳充氣墊x繩網x繪本畫畫x卡通動畫 空間大乾淨又好玩！地點仲超方便～四面佛斜對面，Chit Lom 地鐵站隔離！ 觀看影片 營業時間： 星期一至五：11:00-20:00 星期六日：10:30-20:00 3小時收費： 身高75cm以下免費 75-100cm550銖 101cm以上兒童650銖 6歲以下兒童需成人陪同，成人每位250銖 (3小時價格，超時每30分鐘/50銖) *亦有全日任玩收費 https://playmondo.com/ 入場前先簡單填一份問卷 付費及比按金200銖就可以入場啦！ 入場手帶，離場時交還拎返200銖按金 好大啊！海洋波波池～地方光猛又乾淨，在場有好多職員睇住架！ 色彩繽紛！最啱小朋友玩樂～ 點擊圖片放大 超大嘅彈跳迷宮！ 入面重重難關～好好玩！ 火山熔岩設計，噴射波波區 雨水造型滑梯～ 非常好呀！我跟住個仔玩到勁開心～ 多個跳彈床！ 攀爬區！ 最正係呢個！跳充氣床！刺激好玩！ 我個仔來來回回起碼跳左20次左右⋯哈哈 呢個吸氣水管又係好好玩！放條絲巾落去，睇吓係邊條水管噴返出嚟？哈哈～玩到跳晒舞！ 點擊圖片放大 仲有呢個兒童繩網區，真係兒童專用㗎！ 我差啲被困喺入邊⋯滴汗！ 好彩我啲骨都柔軟，幾經辛苦捐返出嚟⋯ 繩網吊床，好舒服㗎！大人都可以喺度攤一陣！ 喺嗰邊玩到攰晒！可以喺度睇下電視、睇圖書、畫畫～ 點擊圖片放大 入邊仲有餐廳，玩到肚餓都唔怕！ 我哋玩咗3小時！已經好盡興～ 未玩夠？遊樂場出邊仲有電動動物車、溜冰場，有兒童溜冰~有小企鵝陪住學溜冰㗎！ 玩完遊樂場已經八點啦！喺商場行咗個圈，揀咗呢間The Pizza company食晚餐！冇記錯係5樓 普普通通冇咩特別～個豬仔骨有點辣的，兒童餐個白汁意粉OK，食咗二百幾蚊港紙～ 食飽飽行下商場，呢個商場真係超級大！勁多食肆，多到個人勁迷失⋯因為我有選擇困難症～哈哈！仲有7樓個超級市場勁大，咩都有得買呀！ 係我同個仔玩遊樂場嗰陣，爸爸就去咗對面嗰楝Arnoma Grand Bangkok，就係big c隔離，做spa...勁爽囉 去咗Let's Relax ，walk-in 的～好彩有位！俾佢放鬆兩小時～老公話都幾舒服，仲有芒果糯米飯食⋯ 係我最愛嘅芒果⋯我勁羨慕！⋯== *Central World* 999/9 Rama I Rd, Khwaeng Pathum Wan, Khet Pathum Wan, Krung Thep Maha Nakhon 10330, 泰國 參考行程： Day 1：BBK機場>Grande Centre Point Hotel Ratchadamri>Central World Playmondo>The pizza Company ———————————— Follow 埋 IG:https://www.instagram.com/chochomamami/ 100個＋親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #3y11M #全職媽媽 #親子 #下雨天 #parentalblogger #hkblogger #好去處 #放電 #室內遊樂場 #親子好去處 #曼谷親子遊
