天氣好要出戶外走走，吸吓新鮮空氣！環境舒適～鳥語花香～有小動物睇！最近仲可以去賞花-鐘花櫻桃～ 我個仔勁鍾意呢度，完全係唔肯走⋯ 我哋喺大埔墟站，新達廣場A出口，轉搭九巴64k，出左地鐵站跟指示行就見到㗎啦！ 大約車程20分鐘左右到達，嘉道理農場落車 今次來係想搭園內觀光巴士參觀，因為係賞花期，我地嚟到11:00，11:10嗰班旅遊巴已經full左⋯（28坐巴士） 班次可以睇： https://www.kfbg.org/chi/bus-schedule.aspx 好彩！園內好貼心！加開咗幾班！所以我哋就訂咗一點鐘嗰班車，不過加開個啲班次只係去一個點（兄弟紀念亭），13:00出發，大約10分鐘上到去，13:30就回程，所以得10幾分鐘賞花咋！不過你可以再等下一班先上車嘅～ （詳細加班班次請查詢返佢哋） 收費 (港幣) 12 至 59 歲 $30，5 至 11 歲 $15 學校、註冊慈善團體及政府團體 (最少20人) $15 5歲以下、60歲或以上長者及合資格殘疾人士，免費 觀光巴士收費： 12 至 59 歲 $10，5 至 11 歲及60歲以上 $5 5歲以下免費 今日鐘花櫻桃開花指數60% 買好車飛就入園玩左先！門口一入去就係素食亭，有午餐食的！ 小朋友急不及待出發！ 有大烏龜！ 呢度有肥豬睇，但係行左幾轉都冇行出嚟啊～所以冇得睇 鹿！ 藝舍，可以入去做小手工 風景怡人啊！ 免費㗎！玩下印顏色畫先 碌吓碌下～ 跟住畫畫，畫咗聖誕樹⋯ 可以掛喺後面吹乾～ 繼續出發去探索，穿過大石頭下⋯ 野生動物園有咩睇？ 水池，烏龜 好靚啊～ 繼續行上山！ 有啲石級行過河 淡水生物屋 點擊圖片放大 +4 不過呢個時段可能訓晒覺，見唔到啲動物⋯ 呢度仲有蔬菜買！ 蔬菜園 番茄仔⋯ 行下行下，差唔多一個鐘啦～ 返去入口餐廳食少少野先 有意粉有飯，選擇都算多～ 我地自己帶左飯圑同蛋糕，所以叫左個三明治就夠喇！ 呢度有BB椅！（後面） 都幾好食！ 食飽飽休息一陣，準備搭旅遊巴上山啊！ 大約10 零分鐘就到！ 職員話如果行山上來要行個半鐘⋯ 嘩！都幾多喎！ 今日都唔係好多人 可以喺度野餐，正！ 點擊圖片放大 好靚好紅！ 落到成地都係～ 路容易行！帶埋小朋友都冇問題！ 賞花心情好！ 邊個話生咗小朋友唔可以去賞花？ 呢度帶埋小朋友嚟都冇難度啊！ 可以玩一整天，親親大自然！ 嘉道理農場 https://www.kfbg.org/chi/index.aspx
