之前黎過摘士多啤梨～同埋玩佢個有機生態園，今次第三次黎係玩恐龍冒險王國！呢度真係好大！可以玩足成日！因為戶外地方，一定要好天冇落雨先入嚟玩啊～ 冰雪滑梯好好玩！不過真係太凍頂唔順，sir左三次要出返去解凍～ 仲有啲攤位遊戲玩，都贏咗恐龍公仔比小朋友，仲有好多充氣彈床、彈彈波、花海拍照區、可惜落雨好多都玩唔到⋯入面有小食部，唔怕冇嘢食架～趁假期帶小朋友去玩啦！ 影片分享: 交通：逢星期六日公眾假期，大會提供免費穿梭巴士往返「朗屏西鐵站」(近B1出口)及《恐龍冒險王國》（00分及30分開出，每半小時一班） *B1出口一落電梯就見到架！ 大約20分鐘車程就到！入口處有花海～影相一定好靚！可惜入到黎就開始落雨⋯ *馬路口仲見到好多人準備行上山睇紅葉～ 入口售票處～ 停車場泊滿車～ 以上是大棠有機生態園收費： 恐龍冒險王國收費： 票價：$120（包門票、《恐龍冒險王國》代幣6個及大棠有機生態園門票）； $80（包門票及《恐龍冒險王國》代幣6個）； $690（包4張門券，包括VIP襟章及禮品套裝） 喺入口行入嚟轉右就見到啦～ 恐龍會識郁㗎～仲有叫聲！ 小朋友睇到嘩嘩聲～ 仲有一排聖誕樹～好有聖誕氣氛 勁巨型嘅充氣彈床！落雨冇得玩⋯ 仲有有獎遊戲參加！ 周圍都有恐龍～ 充氣彈彈波⋯ 爬充氣山，充氣sir滑梯⋯全部冇得玩⋯ 大家記得一定要好天先入嚟玩！ 仲有一排聖誕場景可以拍照， 先玩冰雪恐龍王國 借件羽絨着先， 小朋友要着兩件羽絨，其實大人都要着兩件⋯入邊真係勁冬！ 一入去個幾秒已經覺得好凍啦⋯ 全部都係冰～ 冰恐龍～ 冰做聖誕老人、聖誕樹～ 跟住跟係最期待的冰sir滑梯！ 實在太凍關係，唔同啲冰合照啦，哈⋯ 生果蔬菜冰⋯ 嗱嗱聲去玩sir滑梯先！ 真係幾好玩！sir左三次頂唔順要出返去解凍啦！ 入咗黎幾分鐘，雙手痹晒冇知覺，塊面同耳仔紅晒⋯所以一定要做好保暖措施先來可以玩耐啲！ 呢個都係落雨冇得玩⋯ 出嚟跑左一陣，就解凍左啦～ 藍色帳篷入邊，有幾部遊戲機玩～ 呢度有小食買～ 點擊圖片放大 +3 有好多椅的～ 因為落雨咩都玩唔到，所以去玩攤位遊戲 將個圈圈掉落個樽度！勁難！ 將個波掉落有顏色嘅窿入邊 獎品全部恐龍公仔，大中細獎 掉個籃球落個圈度！超級難 要將籃球穿針⋯ 飛鏢射氣球！呢個容易啲～ 好彩最後都贏咗兩隻公仔！小朋友好開心 因為落雨咩都冇得玩所以走啦！去返頭先落旅遊巴嘅地方上車就得啦～ 一上車就斷電啦～ 冇旅遊巴供應的話，可以搭K66，不過公園距離車站要行15分鐘⋯ *如果唔係落雨，呢度真係超級放電好地方！好多充氣設施玩～俾小朋友體驗凍冰冰嘅感覺都唔錯！ https://www.facebook.com/1028553953955138/posts/1495015997308929/ ————————————— 恐龍冒險王國 日期：12月14日(星期五)至2019 年2月10日(星期六) 時間：逢星期一至星期日，早上9時至下午6時 地點：元朗大棠「有機生態園」 https://www.facebook.com/hkdinokingdom/ ————————————— 可以睇返之前分享 大棠有機生態園-遊樂設施，睇動物餵羊仔 https://www.facebook.com/chochomamami/videos/1322218811255316/ 大棠有機生態園-士多啤梨(有兒童遊樂設施) https://www.facebook.com/chochomamami/posts/1255649921245539
