我之前去左髮森試佢地止脫生髮療程。寫在髮森之前—我的脫髮史點解我會去髮森？聽我講少少關於自己既背景先！關於甩頭髮、脫髮問題，我真係可以講三日三夜，我後生個陣因為減肥減得太快，所以狂甩頭髮，因為本身頭髮「家底」唔豐厚，所以好快就甩到見頭皮.....個陣真係日日都驚到震，就算狂飲奶、狂食蛋都好似無咩用，頭髮仲係日日梳頭都甩好多、而且每次洗頭到勁輕力勁輕力，好驚甩得仲多......久而久之連洗頭都一星期洗一次，成個頭都又油膩又薄......成個人睇落去超勁污糟！成個乞丐婆咁！就算無再減肥，頭髮都係無生返好長時間......個段時間日日超唔開心又好驚洗頭，差唔多抑鬱咁滯，但個陣時仲後生、又無錢，完全無諗過去睇醫生或者搵人幫手，自己好傻豬豬、好唔開心咁就熬過左，但前前後後肯定有4、5個月時間......晚晚都上論壇去睇下大家點「救髮」，成日擔心到失眠，後悔自己節食減肥、又驚會變少年禿頭.....但好彩正常飲食返而且食左生髮 Supplement之後，頭髮好慢好慢咁生返出黎.....之後我終於變返正常人，但都唔敢停食 Supplement，都食左一段時間之後先敢停，好彩都無甩過......會搵髮森係因為我又再脫髮......不過因為都唔後生，個囡都二十，所以感覺應該都好正常？今次脫髮我雖然都好唔開心、覺得好煩（點解又係我喎！？）但都算比上次更加有心理準備，又立即激情下單之前食過既Supplement，可能因為早年脫過髮，所以毛囊一直唔太健康、髮底亦都唔夠厚，於是脫髮加劇左2個月之後已經開始見肉......因為我生活習慣一直無變過，三餐瞓覺都好正常，工都同樣係個份唔係好大壓力......唯一諗到就係更年期，但我又未更年期......諗黎諗去應該就係女性雄禿，即係遺傳性脫髮......地鐵廣告勁多「髮森」 所以我就揀左呢間今次無頭髮「表面死因」，唔再係關我生活習慣事，所以我都好爽快咁上左去髮森，今次終於學精、要搵人幫，唔會再自己死熬，而且呢啲唔係自己作死既野，我都唔知點樣fix……我成日喺地鐵入面見到「髮森」廣告！就係咁簡單，令我覺得髮森佢地真係財雄勢力而且有好多客，咁應該就有好多醫脫髮既經驗啦？所以我就揀左髮森！我叫個女幫我用whatsapp預約左，佢叫我到時上去同櫃檯講聲就OK，我同櫃檯講完佢比左塊板我填資料，填完我交返比佢，佢叫我等下啦.....可能佢地多客，所以我都等得比較耐（可能髮森唔夠人手？）。終於有髮森顧問搵我既時候我都發曬呆......入房之後就同我傾下我覺得有咩頭髮問題，跟住就做一個可以將頭皮放大200倍既頭皮測試，呢個我覺得幾Pro幾得意，因為可以睇到我頭皮幾油，同埋每個毛囊有幾多條頭髮.....顧問話我頭皮就唔算油，但毛囊入面既頭髮就真係好少，好似每個毛囊得一條，有啲連髮根都超級幼......佢建議我每星期去做咩髮森平衡油脂療程同咩幫毛孔深層排毒療程......然後每2星期就做一次個叫3L既低能量雷射頭髮再生療程定髮森止脫再生療程？不過當然啦，唔試過點知好唔好！於是商量左之後就試一個頭皮深層清潔先，然後再用個試做價做髮森3L止脫再生療程......我對於止脫、生髮療程都唔係太識，諗住試做完再返去同個囡商量囉，點都要試做左先有得傾、先知自己受唔受！跟住髮森顧問就會帶我去另一間房去洗頭，話係頭皮毛孔深層排毒療程既一部分，要用比較特別既洗髮用品先可以洗走多餘油脂，避免油脂分泌回流轉化成DHT？同埋話要洗走頭皮入面既毒素同細菌？不過聽到呢度我已經有啲跟唔到，因為佢地話要洗走多餘油脂，但我個頭皮其實係乾性頭皮喎？跟住髮森佢地話因為DHT會分泌毒素架所以都要洗走架......佢咁講我就咁聽，佢地邊洗頭邊同我 Sell 髮森啲洗髮產品點好點好，同我按摩頭皮都幾舒服既，但係一完成個療程我就覺得頭皮比較乾、乾到甚至有啲痕，跟手就直接去蒸頭，我都唔知係我敏感定點？蒸頭既時候汗珠一路凝聚然後feel到流落頭皮，覺得又熱又痕，我同佢地既staff講左，佢地只不過係移走左個頭罩，就話可能係首次做有啲唔適應定點，可以縮短個蒸頭既時間......咁其實我都OK無咩野既，不過真係覺得佢地洗得個頭太乾囉。跟住就可以去照燈，就係傳說中既髮森3L止脫生髮療程，我上網睇左呢個好神秘既3L其實就係講緊低能量激光，好似有好多國際權威機構都有認證有用？包括美國FDA……雖然我照燈既時候一啲感覺都無，淨係覺得戴左個發出紅光既頭罩，講真最多就係覺得熱熱地（都唔知係咪錯覺），照左大概15-20分鐘？好似敷mask咁大概就係呢個時間，然後再幫我搽左咩生髮精華......跟住就完成啦兩個療程！前前後後喺髮森大概搞左一個鐘以內！做完髮森止脫再生療程就開始hardsell我，我直接衝出門口之後就去返見髮森顧問，又去做多次頭皮測試，呢個時候就開始有啲hardsell，雖然髮森既評價、髮森好唔好既review喺網上搵唔到咁滯，不過佢地都唔係做善堂，個個都上黎試做佢地都肯定無肉食......所以都預左會sell架啦唔係咩？但我都OK，一早準備左一套說詞，我扮曬無知婦人，係咁話因為係個囡送架（其實唔係）所以我要返去比佢睇下同問佢意見，跟手佢叫我不如直接打比囡囡，又話可以比個電話佢講、又話有個優惠而家唔買呢就無架啦，只得今日架咋，不如落少少訂先比佢Hold起個Deal…..真係唔發火當我Hello Kitty。我梗係唔會比個電話佢地啦，於是勁大聲話要趕返去買餸，跟住扮曬唔記得比錢就衝出去大堂想搭lift，佢地都要死死地氣咁比我剝卡簽名比錢，之後我就走到......不過個髮森體驗其實真係一路向下滑，本來都覺得幾好，愈做就愈差個感受（因為髮森佢地愈黎愈hardsell，唔想比我走）我梗係形住個頭皮愈黎愈痕，好似被人鏟走左一層皮咁，感覺又光又乾（我都唔知點形容）個種痕係頭皮深處痕出黎，根本抓唔到......時間愈長我愈㷫.....於是立即衝左返屋企，連飯都唔煮啦，求其拿左支補濕溫泉水噴霧亂噴，之後就直接迫自己瞓覺，醒返先好返、先唔痕咋，不過睇返頭皮某啲位有啲痛痛地......睇到我真係好嬲，等個囡返黎我就立即同佢講，佢都好嬲，覺得髮森亂咁黎！佢幫我研究左我做過既野，佢話佢覺得最有效同髮森比較有信心既都係個3L止脫生髮療程，其實個個療程就係FDA認證既低能量生物激光，好多生髮中心都有做，香港直頭間間都做！佢話呢個可以做、都有臨床研究話係有效既，但可以搵間最平既堅持試左先.....最有效都係LLL 於是又去試下New Beauty 既F8生髮療程我覺得應該所有脫髮友都聽過 F8？好多唔同Brand都有（我阿囡話）不過 F8 生髮療程最主打就係LLL，低能量生物激光，而且快狠準，都唔同你搞咁多side野，直頭就係上去照燈然搽生髮精華，完！好鬼Hard Cores，不過我又幾鐘意。因為我真係唔想再搞咩排毒、深層清潔療程，因為一來，我唔係油性頭皮，而且年紀愈大我頭皮就愈乾，秋冬天有時仲會乾到痕添，繼續洗走曬啲頭脂我就會過敏性皮炎，可能仲甩得更多添！聽講New Beauty除左LLL之外仲有實打實既生髮激光可以做，不過我決定都係去試左低能量生物激光先，而且首次試做免費.....我當然就唔會蝕底啦！預約都係我個囡搞，我喺佢隔離睇好似幾秒就搞完咁.....跟住我自己上去都係同去髮森差唔多流程，呢度就唔再逐一細講，不過連個發射激光既頭盔好似都差唔多，不過今次我感覺好好，因為只係照燈同搽生髮精華，至少照燈個陣唔會令我一直擔心個頭又乾又痕......我免費試做完都有認真聽佢地價錢，淨做 F8 生髮療程10次好似唔洗2000，而去髮森做10次就要2888，所以我就揀左呢間New Beauty，而且佢地個地點都好就腳，10次好平咋所以我就買左10次先......做左8次先開始有啲野睇，具體黎講係頭髮好薄露左頭皮肉既部分生左BB毛，雖然唔明顯亦都唔長，不過的確係有BB毛，另外就係每逢轉季我個頭都會好痕、頭皮都會比較多，但今次轉季發現頭皮明顯健康強壯左好多，唔會再成日痕.....淨係呢樣野已經令我好滿意！我會繼續Keep住去New Beauty 買多20次，若果有新進展或有咩好大既進步，我再上黎同大家分享啦......New Beauty F8 生髮療程
