[深圳打卡Ep.4]峇里島渡假風Cafe~ 特色 | 海島 | 高空~必定要收藏嘅小攻略~去之前一定要睇曬! ------------------------------------- 店名:Jungle Nat 地址:石廈新天世紀商務中心A座43樓4305室 時間:星期一至日12:00-凌晨01:30 只接受Walk in ------------------------------------- [交通] 係羅湖搭的士過去大約 $34 RMB，車程15mins(深圳打卡Ep.1+Ep.2路程一樣，都係附近)有興趣可以睇翻之前介紹 ------------------------------------- [落車後點去] 係馬成時代廣場隔離嘅商廈，同大廈Reception講話上Cafe，之後做登記，佢先會拍卡俾您過閘機，搭高座電梯先可以上43/F ------------------------------------- [衣著Tips] 可以著渡假風嘅裙，唔洗怕太誇張 因為上到去您會發現個個有備而來，帶曬草帽/太陽眼鏡 ------------------------------------- [影相小Tips] 主要分四個打卡區域 第一個:渡假風藤椅 呢個好難等到，因為基本上一定有人坐緊，可能要等佢哋行開咗，再問佢哋可唔可以俾您影幾張相 第二個:圓拱形梳化位 呢個真係超級特別 第三個:峇里島風長枱 放滿曬店主搜羅翻嚟嘅裝飾品 第四個:窗台位 如果要影得無咁dry，可以放啲食物上去個枱仔上面，咁就可以影曬成個view ------------------------------------- [食物質素] 只有兩個套餐可以揀，$88/$128 RMB都係包一杯飲品同一個小食。其實叫$88套餐就ok，因為都係嚟打下卡。 所以就叫咗兩個$88套餐，都係要菠蘿薄荷梳打，賣相係幾有渡假feel，飲落好清新，好消暑。仲有檸香雞翼，大大隻，加埋啲檸檬汁咁好開胃。必食推薦!!烤墨魚丸~烤墨魚丸真係超級好食，都幾香口。 ------------------------------------- 整體嚟講，人均$88~食物比我預期中好!!而且係坐得幾舒服嘅有啲位，仲可以自成一格。不過真係幾多人，要影到相都有啲困難~希望大家都影到靚相! ------------------------------------- More details please check out my IG:Chloebaobao
