[深圳打卡Ep.3]隱世秘境森林Cafe~ 治癒|大自然|心靈|必定要收藏嘅小攻略~去之前一定要睇曬! ------------------------------------ 店名:水木石生活館 地址:彩雲路彩田公園內 星期一休息,星期二至日11:00-21:00 ------------------------------------ [交通] 係羅湖搭的士過去大約$37 RMB，車程20mins ------------------------------------ [落車後點去] 正門入去之後，見到有好多石級，直行上去會見到有條小路，再一直行到尾~之後就會見到一個白色小門，入去就係㗎啦，希望幫到大家~因為個公園都幾大，好易會行錯路 ------------------------------------ [去之前準備Tips] 一定要噴夠蚊怕水，因為太多花草，難免會有好多蚊，所以記得一定要噴。或者可以坐室內，就無咩蚊蟲，但室內位置唔多，要享受在森林和原野一定要有所犧牲。 ------------------------------------ [影相小Tips] 第一個:小徑 平日去都無咩人，可以任你影，但放假人來人往就可能難啲影 第二個:餐廳室外 其實都好多影相位，不過蚊蟲比較多，我影咗15分鐘就頂唔順，因為我太惹蚊 第三個:水池涼亭位 打卡都好靚，不過係唔可以行入去涼亭影相。而且都有一定水深，所以要注意安全。 ------------------------------------ [食物質素] 係前台點好餐，之後職員就會送上。之前睇到呢度嘅流心牛肉漢堡都幾出名$88 RMB~所以就叫嚟試下，賣相都唔錯，流心都做得ok。雖然牛肉有啲乾，但配埋牛油果同流心蛋，確實挽回分數，都可以一試。 肉醬意粉$68 RMB~味道偏酸，唔建議叫!!反而雞翼$48 RMB係真係幾好食，又夠曬。熱鮮果茶(熱)$88 RMB價錢嚟講係偏貴，但兩個人Share都還可以接受，而且飲落好清新 ------------------------------------ 整體嚟講，人均$150 RMB~價錢唔算係特別平，不過可以當嚟親親大自然~洗滌下心靈~係呢個環境，嘗試放慢腳步，嘆翻杯茶，確實好寫意 ------------------------------------ More details please check out my IG:Chloebaobao
