[深圳打卡Ep.1]韓國Produce 101校服Cafe~必定要收藏嘅小攻略~去之前一定要睇曬!! 店名:Uniform Cafe 地址:石廈新天世紀商務中心C座3505 ------------------------------------ [交通] 係羅湖搭的士過去大約 $34 RMB，車程15mins~如果有幾個fd去，除翻開都好平 開住百度地圖，咁就唔擔心司機會兜路~ ------------------------------------ [落車後點去] 係Starbucks隔離個棟大廈，係B座，Uniform Cafe需要經B座電梯到5/F，穿過小花園(有指示牌)，到C座再上35/F~ ------------------------------------ [租借校服問題] 一般校服$30 RMB/1hr，小部分華麗啲就$40 RMB/1hr~Produce 101個套都係$40 RMB~Produce 101校服只有7套!7套!7套! 如果咁啱俾人影緊，可能您就要等等。由您著上身開始計一個鐘頭。如果現場無咩人影，基本上都唔會催鐘，但真心一個鐘頭係影唔曬。 ------------------------------------ [衣著Tips] 建議著輕便啲好!!因為更衣室只有一個，減少時間換衫，可以直接著恤衫，唔洗除自己衫。因為著咗恤衫+校褸都唔明顯，又衛生啲，最好著短褲!一來唔洗除，可以直接著百褶裙，二來防走光。因為現場都會有男仔，店員都係男仔，尤其樓梯影相位係容易走光!! ------------------------------------ [影相小Tips] 基本上我建議先影相!!後食嘢~因為越晏越多人，佢12點開門，如果想無咩人影，就要呢個鐘數嚟。我12點幾去到，都已經有3,4個人係度影緊，去到3點幾都full house，所以影到兩點幾食嘢就啱㗎啦。 由1)衣櫃>2)拱門位>3)樓梯位>4)粉紅色locker>5)美術角>6)教師枱>7)粉紅色書櫃>8)洗手間>9)門口位~ 排名按輪侯時間(長至短) ------------------------------------ [衛生程度] 恤衫都無污積，以我自己個套作準!!唔代表其他恤衫~裙都有好多碼數，我自己就著咗XS~如果無您碼，可能就要等到其他人夠鐘，先可以有得影。不過現場都有好多校服嘅!!粉紅色同粉藍色都有~ ------------------------------------ [食物質素] 叫咗黑椒牛肉意粉$58 Rmb~夏日甜心(凍士多啤莉茶)$48 Rmb~食物賣相一般，但味道唔差!! 總數$58+$48+$40校服租借(1小時)=$146Rmb ------------------------------------ 整體嚟講，食物一般，但純粹for打卡，係幾值得去嘅Cafe，但人太多就真係好難影。所以一定要預早時間去，避免人多。希望大家都影到靚相！！ ------------------------------------ 如果想睇我繼續搵唔同嘅Cafe，記得like同share俾朋友睇啦!!
