第4日,又係落街是旦買d野食完就上車。 今日諗住去野柳,問左旅館個姐姐,由基隆去會好d,就坐火車去基隆。 我其實完全唔明白點解台鐵可以九萬幾條線用埋同一個月台。 又坐左成粒鐘去到基隆,坐緊個時發覺對腳完全未回復狀態。之後係咁問人點搭車。 點擊圖片放大 落車仲要行一陣先入到去。 張相都整到好似個人咁。 點擊圖片放大 +2 好多怪岩石,我諗鐘意就會逐個睇,唔鐘意ge應該就係覺得~一堆石頭。 點擊圖片放大 旅行團班友係下面又攬又嘈,都係行高少少先舒服d。但係....明明今日已經無晒力再行. 行到最盡就見到另一個區,海蝕平台。 點擊圖片放大 +2 去完野柳有d肚餓,但見時間有三點幾,諗住去下個點先食野,點知,等左8個字先有巴士黎,包手信自己食晒。 上左巴士,一路跟住個海行,之後對腳去到極端無力狀態,所以燈塔無落車(要行30分鐘先到),風力發電無落車(要行上山先睇到,南y島都睇過),幸福石門(無女睇咩鬼),搭搭下搭到白沙灣頂唔信落左車。 點擊圖片放大 即刻去搵野食。 之後係沙灘坐左陣,都無力行啦! 之後見到有部車直接返台北唔洗係淡水轉車,幾百個站都坐到尾啦。 夜晚支力到隻狗咁,食少少野就算。 d指甲好長,問旅館姐姐,佢指左我去7仔買指甲鉗,原來7仔裡面有無印野賣。 住左咁多日夠一機衫洗啦! 係自助洗衣店要等成粒鐘,又無野做,局呃我錢打機。 洗完又要整乾。 好彩有得坐低,咁又完一日。 如有任何疑問可電郵:chiukit2001@gmail.com或ＰＭ我
