琴晚諗左陣,就決定玩野,今朝一早起身去宜蘭。 部車得5個人。 其實都係搭一個鐘車,但已經遠離繁華都市。 上網搜755呢條線係兜好多景點,不過..2粒鐘一班車,即係我要每個景點留2粒鐘。 早到左又去便利店食野,食關東煮,香港幾時有呀? 全程好似得1個人中間上落,其他時間都係我問司機有咩玩?佢同我講之後景點無野睇,等我坐佢車返去個時繼續講。 落左車要跟住牌行入去景點,沿途又係得我一個,行到入景點先有旅行團。 望龍埤,好似d大陸團去個d景點。 不過無所謂啦,琴日行左兩萬步 又有鴨睇,香港我記得係細個屯門公園先會有鴨睇。 熱到要食鐵觀音雪糕。 行多陣都未夠鐘,就出左去四圍蕩。 出面車都無部,的士都唔洗諗。 亞典蛋糕同菌寶貝呢兩個站本黎諗住去,但上番車個時司機話唔好玩,一睇就完。佢叫我去睇綠色博覽會,個地點叫武荖坑園區,我同佢因為個荖字聽唔明都溝通左好耐。小插曲:原本司機點左我係總站轉車,點知我係總站搵極都搵唔到,佢見我企左起度同我一齊查,原來搬左站,佢又叫我上番車車我去巴士站轉車,呢道點都要讚下佢。 司機又無講到坐幾耐,結果原來又坐左成粒鐘,落車個時,同車個姐姐仲話有免費飛,不過我都係想拎張飛打卡無要到佢好意。 網址:http://www.greenexpo.e-land.gov.tw/ 主題:糧心,其實我幾欣賞d食字標題食得黎又中到個意思,好似之前見到除緣個2本書,型銷同購點,因為書名我就買左。 其實張飛都係三十幾蚊港紙,再要人免費飛真係會過意唔去。 台灣d廁所真係好露天。 點擊圖片放大 +2 行左陣都係花花草草就去左食野。 食飽飽開始慢慢行,平時好少睇字就睇下佢寫咩。 點擊圖片放大 +3 係我睇緊個時都有人問野同d父母會教小朋友環保,個下真係突然醒左一下,我係香港幾耐無見過有呢d户外大型環保教育展覽? 再行前少少,原來係大到要行過橋。 其實好想參加活動,可惜唔岩時間。 雖然係户外,但垃圾分類都係做足。 點擊圖片放大 個元素表我已經唔記得左好耐啦! 入面原來係賣音樂野。 點擊圖片放大 +7 我見到,係驚塊玻璃爛。 點擊圖片放大 去廁所個十幾秒其實整個mon我望得幾耐? 睇完仲會回收番本簡介。 點擊圖片放大 +6 我鐘意呢個足球機用黎種盆栽ge idea。 真係好大,係咁行都行到五點幾,頂唔順要搭車番入口。 原本走個時諗住等巴士,點知有家香港人話行去火車站好近,最後... 行左成粒鐘先見到呢舊野。 大佬,一條友都無wo。 得閒到自拍。 結果,等到天黑先有車黎。個家人坐對面方向走左啦。 其實我只係搭2個站去羅東夜市。 又無野飲又累,是旦食少少野就準備返去。 撈金魚進化版,每人係個兜兜度撈自己個兜個d魚,又唔洗爭。 點擊圖片放大 +2 食完野好似露完幾日營咁,行番去搭車返台北,係車度同台妹傾左成粒鐘,又同人宣傳下香港景點。返到去旅館見到,今日行左27xxx步,明明諗住今日hea遊,點知....不過都好大得著ge,我成個trip其中一個最多體會就係綠博。 如有任何疑問可電郵:chiukit2001@gmail.com或ＰＭ我
