台灣深度遊~發掘與香港的不同(2) 第二日一早起身就去周街食少少野就出發去烏來。 搭地鐵個時見到三條柱而且彎彎地,我諗就係防止無腰骨個班友霸住條柱。後邊輪椅位唔用都可以放下野,香港個隻坐又唔得,放野又唔得。 去烏來就係要去到新店轉一轉巴士。外國旅客想睇得明都唔易,因為無英文,但睇到佢都諗盡辦法,就係個幾個大站就會有番英文。 呢程車落車先比錢,勁多人,司機開埋後門叫d人行番上前門俾錢,講真你走左去都無人知啦,又叫老人家慢慢行,要落一定比你落,香港個種行慢兩秒都叮叮叮真係令人放鬆唔到,當然我旅遊就可以咁,返工唔得佢死。 去到又肚餓,食腸又方便又唔洗平。 經過老街我原本係想黎坐台車,點知。 唔知係香港起野起得穩陣定真係天災真係勁,竟然運路軌都吹爛。 我唯有來回都行路,沿路睇到路軌都唔要得,要再起過。 點擊圖片放大 上山慢慢行,其實都唔算辛苦,好快就有野睇。 就係烏來瀑布,比香港梧桐寨當然勁好多。 向前行多少少,見到有纜車,於是就上左去搭。 上去唔知睇咩,不過有野搭下就照去。 點擊圖片放大 部纜車中間完全無支點,仲要睇落幾舊,岩岩先睇到台車比人吹起左,搭落都有d驚。 原來上面係雲仙樂園。我諗好似香港假日農場個隻feel。 當我係咁行上去諗住有野睇個時,上到去見到......sosad。又係9成野比台風一野吹晒,但你又開纜車呃我上黎,想點呀? 唯一有得睇就係睇鴨通街跑,我追佢又走,玩左好耐。 本來呢部機賣魚糧,我諗部機再油過就會好好睇。 落山個時再睇番,原來係92年開始有,不過同山頂纜車比小兒科啦! 最值回票價我諗係去到一半個時影到呢個景。 唔知幾時起番好。 上山個時已經比佢吸引住,不過有細佬玩緊廢事等,確實佢真係消到我係咁入錢。好玩過機鋪對住個mon。 又肚餓,繼續見咩食咩。 見到左吊橋,又問左工人叔叔,我.......做左個唔好示範。 維修緊唔出去啦!千其唔好學。 離開烏來已經4點幾,就去今朝搭錯捷運經過個圓山站落車睇模型。 點擊圖片放大 痴左陣線之後就去左隔離個公園睇魔表演。 一路行下行下就睇到有美術館,但已經夠鐘閉館,唯有有機會再黎。 行番捷運站好遠,唯有試下開google定位,手機就教我搭巴士,就坐低等車黎。 點擊圖片放大 +2 番到旅館訓左陣就去食阿宗,見8點幾就繼續出發去睇101。 係捷運見到部扶手電梯可以...^,點解香港要斷開兩截? 想睇101但去左象山,因為係101裡面係睇唔到101。 點擊圖片放大 手機相當然無肉眼睇咁靚,條徑都好好行,只係係咁上樓梯。 大佬,今日行左幾多步? 行番落去個時差唔多收左我皮,入便利店買支野就可以坐低飲,又有廁所,回一回氣就好好多。 行番去捷運站個時,見到部貨van後面坐住兩條友拍部巴士,搞咩?? 香港都係頭尾卡可以上單車,但我就未見過有示意圖。 返到旅館已經謝晒皮,跟住睇番原來今日行左兩萬步,咁聽日點算?訓醒先算。 如有任何疑問可電郵:chiukit2001@gmail.com或ＰＭ我
