診所 要箍牙當然要搵間有信譽既診所 因為箍牙講緊係2-3年既時間 同埋事後既保養 當然要搵間好d 牙醫依樣野人夾人 每個人既要都唔同 (有d人係要搵專科) 大家都係google下 上d forum睇下 同埋自己上去間診所到問清楚 有D診所係免費做檢查 有D就會收約$1000檢查費 有D就收你$1000, 但如果你之後搵佢箍牙係有REFUND既 有D有人介紹仲有discount 所以大家真係要花小小時間做功課啦 話哂重點投資黎嘛 而我果間就係尖沙咀林醫生 果陣無discount依樣野 但依家又聽講有介紹平3000 初步檢查 由於我果間係免費做檢查既 所以我就book時間上去檢查啦 反正無蝕底 haha 一上到去 始娘會安排照x光 影相(你個樣 同埋你d牙大特寫) haha 之後就會見牙醫啦 入到房牙醫已經開住你張X光圖/相啦 大家一齊傾下計 果陣牙醫同我分析我d牙既問題 包括有d哨啦 上面大門牙有一隻唔齊 下面兩隻門牙都唔齊 仲有4隻智慧齒情況 由於我4隻智慧齒都有足夠空間生出黎 所以都唔洗剥住 (好彩 剥智慧齒又貴又痛架:( ) 咁牙醫就會話你知有傳統鋼箍(有鐵線鐵粒, 鐵線透明粒 ), 隱適美(透明牙套) 牙醫就估計我要揀隱適美要箍3年 (最後定左係一年半 下一篇會解釋下) 牙醫會整兩個plan比我選擇 (到時睇電腦圖) 因為箍牙有磨牙同剥牙兩種選擇 當然效果都會有唔同啦 所以我就幾個星期後上去睇圖揀plan啦 (其實一開頭真係等 等 等~~~~) 價錢(只適用於我果間): up to 2017年四月既資料: 隱適美(磨牙): $42,000 隱適美(剥牙): $48,000<我的選擇 下一篇會解釋下:p 付款方式: 選擇(一):一次性付清 選擇(二):先付一半, 其後每個月交$1000 直至全部付清 選擇(三):每個月付款$3000 直至全部付清 我就選擇(二): 比左$24,000, 然後每次上去診所就交3000 (你大把機會上去架啦 放心haha) ps. DBS信用卡可以24個月免息分期 唔好怕我煩比我講多次 以上資料係2017年四月 尖沙咀某牙科診所 價錢包括: 一年2次洗牙 (第一次會上牙套之前洗) 磨牙/剥牙 <睇你揀咩PLAN 你揀磨牙咪包磨牙 :p retainer(完成箍牙後戴既)< 依點要注意 因為有d診所retainer要額外收費 retainer成四千蚊架 X光(又係有D診所會額外收費) 事後既檢查 所以有D診所好似收好平咁 但佢事後每個ITEM都收錢 所以大家記得問清楚喔 係咁多先~BYE 特別嗚謝男友同男友家人的資助 令我有機會改善d牙:) 謝謝<3
