#上環地膽 今次嚟到上環呢間低調嘅鮨燐，師傅會細心介紹每款食材同建議食用方法，成餐飯食得好輕鬆愉快。 👅 先付🐟索滿晒鰹魚湯嘅鰹魚湯煮菜之花, 層次好豐富嘅梅子素麵配櫻花蝦, 同埋入口即化嘅安康魚肝，質感細滑完全冇腥味，好好食！ 🐟 7種刺身🥚 鹿兒島春子鯛：白身魚肉質爽彈，最特別係上面嗰陣醃漬鹹蛋黃，鹹香起沙，鮮味提升！ 🦑 螢光魷魚配鰻魚苗：魷魚鮮甜軟糯，裡面嘅膏喺口中爆開，加咗頂層嘅蛋黃醬; 鰻魚苗晶瑩剔透，加埋微微酸香嘅水雲醋，成個感覺好清新。點擊圖片放大 🔥 三重縣馬鮫魚：經過煙燻處理，入口帶有淡淡煙燻香氣，魚油豐腴，配上芝麻同茗河薑花，芝麻增加香口感覺。🧂 北海道象拔蚌：師傅輕輕撒上竹炭鹽，簡單嘅調味反而突出咗象拔蚌本身嘅鮮甜同超爽脆嘅口感，食得出係頂級新鮮貨。🦪 兵庫縣生蠔：蠔身飽滿，口感偏爽身，蠔味好清甜。配上酸汁啫哩，好 refreshing。 🍣 赤身吞拿魚中拖羅：師傅將中拖羅切厚身，中間夾住紫蘇葉、蔥花同wasabi。紫蘇葉獨特嘅香氣有效咁中和咗拖羅嘅油膩感，令到成個口感同味道都變得好有層次，非常出色！ 🥣 大蜆清湯：湯色清澈，飲落係純粹嘅蜆鮮，加上舞茸菇同京蔥, 清香撲鼻，飲完成個人暖笠笠，好舒服。 6種寿司: 🎣 淡路島針魚：針魚肉身晶瑩，口感爽脆，面頭嘅薑蓉將針魚嘅鮮味完全帶晒出嚟。🔥 靜岡縣金目鯛：輕輕火炙過，迫出咗魚皮下面嘅豐富油脂，入口魚油香氣滿溢，肉質細嫩。🦑 鳥貝：師傅輕輕拍咗一下，鳥貝即刻收縮，證明新鮮到不得了！入口味道鮮甜，口感極之爽脆。🦐 白蝦：白蝦仔細細隻，但鮮味極度濃縮，白蝦肉黏口鮮味爆滿。🐟 日本山三重縣鰤魚：正值當造，魚油脂分布均勻，食落油香四溢，肉質軟熟，非常滿足。🌟 赤馬異海膽：最後嚟個壓軸！海膽份量慷慨，色澤金黃，入口即化，creamy到不得了，味道極之甘甜濃郁，成口都係幸福嘅感覺！點擊圖片放大 最後以一碗暖湯同抺茶奶凍作結，大滿足。📍 鮨燐 (上環)地址: 香港上環蘇杭街126-128號地下D號舖#鮨燐 #上環美食 #上環omakase #香港omakase #香港日本菜 #廚師發辦 #江戶前壽司 #香港美食
