#chins遊深圳 周未又北上深圳一日遊, 今次嚟到福田嘅 KP-FUN潮玩遊樂街區。 呢度成7000平方米，仲要係兩層，行入去已經覺得自己好似穿越咗去未來世界咁，成個場都係賽博朋克風格，超多霓虹燈同光影效果，未玩已經可以瘋狂打卡。點擊圖片放大 🎮¥268全天單人票，買咗飛就全日任玩過百種潮玩項目真係多到玩唔晒！仲可以自由出入，玩到攰又可以出去食吓嘢再返嚟玩過。由下晝玩到天黑完全冇悶場，推介俾大家！ 🤖 MR卡丁車呢個真係全場MVP！職員會俾個MR眼鏡你戴住，一開車，賽道上面即刻出現晒啲虛擬道具，好似玩緊真實版Mario Kart咁，可以食金幣同儲能量，同朋友一齊撞來撞去，超刺激！記得同職員講想玩MR模式，體驗佢嘅特效鏡頭。 🏎️ 碰碰車呢度個碰碰車場地超級大，應該係深圳商場入面數一數二大嘅！成班friend你一嘢我一嘢，撞走晒啲工作壓力，真係好爽。場地光線好靚，玩嘅時候睇住四周圍嘅燈影，成個感覺好夢幻。點擊圖片放大 🎳 螢光保齡球呢度嘅保齡球道好特別，係螢光嘅，配埋牆上嘅霓虹燈牌，成個感覺好Cyber。就算唔識打，求其擺個甫士影相都已經好靚。而且打中嘅一刻，睇住螢光波轆過去，真係好解壓。🔫 真人CS戰場係一個迷宮場景，周圍都有螢光塗鴉，成件事好似打緊未來戰爭咁。同隊友一齊制定戰術，匿埋轉角偷襲對手，超有臨場感，玩到唔捨得走。🕹️ Switch / K房玩到有啲攰，可以過嚟呢邊嘅「蟲洞」休息區。可以攤喺度打Switch，或者入去迷你K房唱返兩首歌，抖夠精神再出去衝過。🏎️ HADO對戰館日本好流行嘅AR擴增實境對戰遊戲。戴返個頭盔式顯示器，喺真實場地入面用手勢就可以發射能量彈同埋盾牌防禦。同朋友組隊2對2，喺有限時間內鬥快擊中對方，打完一場即刻標汗，超刺激又夠晒運動量 🚀 星球大戰IP飛船呢個係全中國得一台嘅正版授權飛船座駕！身為星戰迷嘅我見到即刻衝過去影相, 一定要打卡留念！🐰 復活節限定福利！唔睇就走寶 🐰福利一：限時復活節套餐• 2小時單人票升級優惠：原價¥238玩2小時，而家只需加多¥1，就可以即刻升級做全日票！由2小時變玩足全日，超抵玩！• 「復復得贈」三人同行優惠：買兩張單人票，即送你多一張單人票，變相三人同行，一人免費！約多個朋友一齊嚟玩就最抵！福利二：尋蛋大冒險由4月3日開始，連續四日，場內每日會隨機隱藏咗100枚復活節彩蛋！入場就可以參加尋蛋遊戲，搵到彩蛋就可以根據數量換領豐富禮品，人人有份，永不落空！特別加碼：現場仲有畫彩蛋活動，買咗飛嘅朋友可以直接參加。如果未買飛又想玩，只要影現場相打卡收藏，都可以一齊玩！福利三：AlipayHK獨家優惠記得用AlipayHK搜尋「KP-FUN」，入官方小程式買飛，即時可以拎¥20減免優惠券，比現場買或者其他平台買都更抵更快！KP-FUN潮玩遊樂街區@kpfun888 📍深圳市福田區沙頭街道上沙社區濱河大道9283號中洲濱海商業中心一期三層208B號商鋪🚇深圳地鐵9號線「下沙站」行過去就係#深圳好去處 #福田好去處 #KP_FUN #深圳室內遊樂場 #港人北上 #週末好去處 #放假好去處 #深圳中洲灣商場 #親子活動 #機動遊戲 #深圳玩樂 #情侶好去處 #朋友聚會 #打卡熱點 #開學季 #潮玩街區 #賽博朋克 #100多種潮玩遊戲 #alipayhk優惠 #268元全天票 #性價比高 #復活節好去處 #尋蛋大作戰 #親子好去處
