莆田新春如意2人餐, 份量同搭配都好抵食! 🥢 風生水起 • 煙三文魚撈起色彩繽紛超好意頭！煙三文魚鹹香軟嫩，拌勻咗脆脆嘅芋絲、青瓜絲、甘筍絲等，口感層次超豐富。醬汁酸甜開胃，撈起時店員會講祝福語，氣氛好好！ 🍲 盆滿缽滿 • 鮑魚大蝦盆菜盆菜精華在於堆到滿滿嘅料！鮑魚入味又彈牙，大蝦爽彈，仲有炆到軟腍嘅鴨掌、冬菇等，暖笠笠好滿足。 🐟 年年有餘 • 百秒黃花魚黃花魚魚肉嫩滑, 湯底清澈但鮮味十足，帶住淡淡薑蔥香氣，完美帶出黃花魚嘅天然甜味。 🦪 招財進寶 • 蘆筍XO醬炒帶子帶子大粒又厚身，外表微微煎香，保持軟嫩鮮甜。自家製XO醬鹹香惹味，帶少少微辣，同爽脆嘅蘆筍一齊炒，鑊氣十足，送飯一流！ 🍜 平平安安 • 興化炒米粉鎮店名物, 炒米粉幼細又乾身，炒得好有鑊氣，食落爽口唔油膩。配料有招牌蟶子, 蝦乾等, 風味十足。 🍧 甜甜密密 • 紅豆沙彩珠芋圓飯後完美甜品。紅豆沙煲到起沙，甜度溫和。自家製嘅彩珠芋圓煙煙韌韌，咬落有嚼勁，大滿足。除咗呢個超值二人餐，佢哋仲有「鮑魚大蝦盆菜」同「煙三文魚撈起」分唔同份量，方便一家大細。賀年糕點「吉祥三寶糕品」都好吸引！新年想食得講究又有氣氛，快啲去訂位試下啦～📍 莆田 (銅鑼灣利舞臺廣場)銅鑼灣波斯富街99號利舞臺廣場7樓A舖#莆田 #PutienHK #銅鑼灣美食 #福建菜 #閩菜 #新年套餐
