#chins遊深圳 最近成日北上搵食，今次去咗一間好有格調嘅餐廳，唔單止環境舒適有品味，菜式更加係將川味嘅靈魂同各地食材創意融合，環境氛圍高雅，唔會太拘束，好適合同朋友、屋企人或者同事一齊嚟聚餐，尤其年尾飯局或者年夜飯，呢度絕對係一個有品位又夠體面嘅選擇！ ✨前菜🍅 話梅炙南瓜：一入口係話梅淡淡嘅酸甜，慢慢炙燒過嘅南瓜軟糯帶焦香，味道層次好微妙，開胃得嚟又唔會太濃烈。 🦐 鮮蝦兒菜：兒菜爽脆清甜，配上鮮蝦嘅彈牙，醬汁輕盈帶微微嘅鮮，食落好清爽，係一道好精緻嘅前奏。 點擊圖片放大 🍽️ 主廚精選🦞 魚香茄子小青龍小青龍係即點即煮，保證新鮮。蝦肉已經細心拆出嚟做成蝦球，炒得入味之餘仲完美鎖住肉汁。肉質爽口彈牙，鮮味十足! 醬汁調得香濃惹味，帶微微魚香酸甜，攞嚟撈麵真係一流！點擊圖片放大 🍲 碧潭獅子頭：獅子頭鬆化唔膩，湯底清而鮮，食到淡淡蔬菜嘅清甜，每一啖都好潤好舒服。 🍵 海味豆腐煲：豆腐滑溜得像布丁，海味嘅鮮香慢慢滲出，湯汁濃郁但唔厚重，暖笠笠咁滋潤。 🥚 節瓜燴雞蛋：節瓜煮得軟淋入味，雞蛋吸滿咗瓜嘅清甜，簡單但好有家常溫暖感。 🥬 清心雜菜煲：各種蔬菜燴得剛好，湯汁清甜不油，食完一餐濃淡有致，呢道菜就好似為味蕾做個小休息。 主食同湯品🍚 五常大米：飯粒飽滿香軟，簡單但完美襯托每一道菜。 🥣 雞豆花：湯色清澈，豆花口感細緻如雲，雞湯鮮而不濁，飲落溫柔又暖胃，為成餐飯畫上圓滿句號。 📍椿廬 ChunLounge 福田·中航城店｜福田區中航城君尚購物中心C區2層L273-2 福田·中洲灣店｜福田區中洲濱海商業中心二期1棟B座3層L301 南山·深圳灣店｜南山區中心路君尚3019八層 卡
