#chins遊深圳 週末又北上深圳搵食，今次發現咗一間好有feel嘅日式料理店，就喺華強北中航城君尚購物中心, 近期超多人打卡的鴿子廣場旁邊, 「匣倍inBox日風食集」 🏮店內係日式庭院風格，戶外座位對住鴿子廣場，一邊食嘢一邊望住白鴿飛飛下，真係好似去咗轉京都咁，難怪咁多香港人專程過嚟打卡！ 點擊圖片放大 🍡今次試咗佢哋幾款主打創意料理，人均百幾蚊已經食到超豐富！ 📍位置超方便，福田華強路站行幾分鐘就到，好適合情侶約會或者帶小朋友嚟餵鴿子+食好西！ 點擊圖片放大 🍢 和牛生蠔提燈用M3和牛薄片包住肥美乳山生蠔，中間串住一顆提燈，一啖放入口，蛋漿真係好似流星瀑布咁爆開！生蠔鮮甜、和牛嫩滑，加埋蛋液嘅濃郁，三重口感一次過衝擊味蕾～ 🦞 龍蝦M3和牛菌菇鍋湯底用龍蝦頭同菌菇熬足8個鐘，金黃色超鮮甜！先飲一啖湯，再涮M3和牛片同蔬菜，和牛油脂融化喺湯裡，加埋原隻小青龍嘅彈牙，暖笠笠又好滿足。 點擊圖片放大 🍣 焦糖貓山王榴槤鰻魚脆貓山王榴槤打成綿密果泥，鋪喺照燒鰻魚上面，一啖咬落去，榴槤香加上鰻魚肥厚，鹹甜交織太過癮～ 點擊圖片放大 🍘超满足海胆手卷 /toro匣人氣菜海膽同拖羅匣，新鮮度滿分！海膽鮮甜creamy，拖羅油脂甘香，用紫菜包住一啖食，海洋嘅濃郁瞬間爆發。 🍣 月見松露和牛鵝肝卷黑松露醬、鵝肝同和牛捲成一卷，入口滑嫩豐腴，松露香氣好突出。 🍧蜜橘牛奶雪冰 呢個雪冰絕對係必點！牛奶冰打得超綿密，面頭鋪滿蜜橘果肉同果醬，一勺挖到底仲有脆脆同煉奶，清新又解膩。 🍪 海鹽/奧利奧銅鑼燒銅鑼燒皮軟綿帶微微蛋香，夾住海鹽同奧利奧奶油餡，2款都咁好味甜點剛剛好。 📍 匣倍inBox日風食集 🚇福田區中航城君尚購物中心C區2層L273-3號（近鴿子廣場｜華強路站步行450m）🔎#匣倍inBox #深圳日料 #深圳美食 #鴿子廣場 #創意日料 #和牛料理 #榴槤料理 #香港人北上 #深圳打卡 #性價比日料 #華強北美食 #庭院日料 #週末好去處
