#chins遊深圳 週末深圳玩足一日！今次去咗寶安區嘅萬豐海岸城，呢個真係近期好hit嘅新商場！由香港過去好方便，搭中港通巴士可以直達商場門口，或者搭地鐵11號線到馬安山站都得。 🏬商場超級大，有兩個館及七層樓、七彩打卡樂園，仲有超過300間店舖同餐廳，真係可以由朝玩到晚！第一站，我哋就先去喜庭自助餐食個豐富午餐，打個底先！點擊圖片放大 📍 必打卡位係虹彩造夢樂園，七彩顏色好繽紛，點影都靚！仲有潮未江湖主題區同室內花園，好好行。🚌 重點推薦！中港通巴士有站直達商場，落車對面就係山姆會員店，買完一大車戰利品可以直接上車返香港，方便到極！🚇 深圳地鐵11號線馬安山站C出口，行大約10分鐘。點擊圖片放大 🦞 第一站：喜庭自助餐 - 海鮮控大滿足！首先食嘅係喜庭自助餐，種類都幾多。海鮮方面，翡翠螺同青口都唔錯，螺肉爽口，青口夠肥美。熟食即煎嘅羊架好食，外脆內嫩。甜品款式多，細細件可以試勻幾款，飲品有罐裝汽水同果汁，自助餐嚟講都算齊全。🔥 第二站：啫火啫啫煲 - 熱騰騰，火氣十足！晚餐就去咗食「啫火」。佢哋嘅招牌沙薑雞煲真係無得輸，一上枱吱吱聲，沙薑味超香，雞肉夠滑好送飯。另一個蝦仁粉絲煲都做得唔錯，粉絲索晒啲鮮味，夠乾身。仲叫咗個啫啫通菜煲，用蝦醬炒好有鑊氣，通菜翠綠爽口。最後仲試咗香辣啫肥腸，肥腸炆得夠淋，少少辣好惹味，整體鑊氣十足，食得好滿足！📸 商場行程打卡攻略🎠 虹彩造夢樂園 (A館1樓)：真係必去！顏色超靚，充滿多巴胺，i人都變e人，瘋狂影相！📚 覔書店 (寶安北旗艦店)：裝修好有特色，空間感強，文青一定要去睇睇。🛍️ KKV / 名創優品 / 各大潮牌：可以慢慢行，KKV間舖好大，貨品齊全，好多得意嘢賣。🎮 室內電玩場：食飽行攰可以去玩兩手，重拾童心。點擊圖片放大 +2 🏨 萬豪萬楓酒店：如果玩兩日一夜，可以考慮住呢度，酒店房乾淨企理，行程輕鬆好多。🛒 對面就係山姆：記住留番個尾站去掃貨，買完直接去巴士站上車，完美結束行程！商場12月已經有聖誕裝飾，氣氛開始濃厚，快啲約埋朋友過嚟玩啦！一日遊行程滿分！萬豐海岸城📍寶安區新橋街道萬豐社區萬豐中路 245 號萬豐海城 🚇地鐵11號線馬安山站C出口，行大約10分鐘。 #萬豐海岸城 #深圳新商場 #港人北上 #深圳一日遊
