終於嚟到紅磡呢間人氣串燒店~串燒王! 呢度全部即叫即燒, 喺門口已經都聞到香味! 人均$300食倒海鮮同串燒, 串燒類$120/10串, 仲有生啤買一送一🍻 ; 用OpenRice訂座有85折添! 🦪 蒜蓉生蠔（半打）$158 / $288(一打) : 蒜蓉鋪到滿滿, 蠔身飽滿, 燒得剛熟 滑溜得嚟帶點海水鮮味, 夠哂鮮甜爆汁!🐚 蒜蓉扇貝帶子 $70/2: 扇貝超大隻, 鮮甜到不得了, 粉絲吸盡精華, 蒜香香氣滿溢!🦐 8寸大虎蝦 $90, 真係成隻手掌咁長！蝦殼燒到脆卜卜, 蝦肉結實彈牙!點擊圖片放大 🐚 蒜蓉大蟶子皇 $100: 蟶子皇厚度十足, 咬落去爽脆, 蒜蓉同豉油吊出鮮味！🥩 安格斯牛仔骨 $58: 油脂分布均勻, 燒到外焦內嫩, 肉味夠哂香濃!🍗 奧爾良雞肉串 $24/2串 : 雞肉醃得超入味, 微微香辣, 表面燒到脆皮, 咬落肉汁爆出嚟!點擊圖片放大 🦑 魷魚串 $24/2串: 口感彈牙唔會韌, 配埋孜然粉好惹味!🧈 包漿豆腐 $24/2串: 外皮香脆 一咬開豆香湧出～🍆 蒜蓉茄子 $38: 成條上超震撼, 蒜蓉多到睇唔到茄子, 軟綿綿入口即化, 必點！🍮 焦糖玉子燒 $28 面層脆脆焦糖, 蛋香濃郁!🍋 鴨屎香檸檬茶 $34/杯 : 檸檬新鮮唔苦澀, 茶底甘香, 解膩一流！ 📍串燒王 (紅磡)紅磡德民街27號黃埔新邨地下B4B號舖#串燒王 #紅磡美食 #黃埔美食 #抵食串燒 #蒜蓉生蠔 #香港串燒 #宵夜首選 #openrice優惠 #生啤買一送一 #特色串燒拼盤 #食在香港
