#chins遊深圳 週末又北上搵食！今次專程去深圳灣万象城，試吓新開業嘅Ant·烤肉料理～ 佢哋主打多元化烤肉同創新料理，由產地直送靚肉. 今次試咗個超特別嘅「稱重買肉」模式，仲有好多fusion菜式，樣樣都好味！ 🔥店員會主動幫手燒肉，仲會教唔同部位嘅最佳食法！🍴環境真係冇得彈！裝修時尚得嚟又好有空間感，坐得好舒服，最正係抽風系統做得好好，食完成身都唔會有油煙味～地點超方便，就喺深圳灣万象城二期，行過去人才公園站都好近！ 🥩鮮切安格斯西冷 ¥166.76/0.22kg師傅即場切，厚度十足！油花分布均勻，烤到五成熟係最正, 牛味香濃, 滿滿香氣喺口腔入面停留！ 🥩 ANT雪花肥牛 ¥68.8/0.1kg性價比之王！肥瘦比例剛剛好，輕輕烤十零秒就食得 , 肉質軟淋得嚟帶少少嚼勁，蘸少少燒肉汁更滋味～ 🥩 鮮切澳洲和牛S雪花肉 ¥127.4/0.13kg雪花分佈超靚！入口真係有種融化嘅感覺 , 油脂香氣好豐富但一啲都唔膩，食完成個口腔都係餘香～ 🐟 西西里烤深海蝶魚用咗西式香草同檸檬調味，魚肉超級嫩滑！外皮烤到香脆，魚肉依然保持多汁 !🐔 台灣鹽酥雞估唔到烤肉店嘅鹽酥雞都咁出色！外脆內嫩，醃得好入味，仲有九層塔嘅香氣 ! 🐷低温黑猪kebab塔個賣相已經贏晒，打卡必點！將超級軟嫩低温煮的黑豬肉同菇菌串成一串，口感層次超豐富!點擊圖片放大 🍚 壽喜燒牛肉飯牛肉鋪到滿一滿！壽喜燒汁甜度剛好，撈飯真係一流，好快就清晒成碗 !🥛 伯爵茶蜜桃冷萃酸奶碗伯爵茶同蜜桃嘅配搭好清新，酸奶順滑解膩，大滿足！ Ant·烤肉料理地址: 粤海街道深圳湾万象城二期 CB126 Ant·烤肉料理人才公园站 B1 口步行 270m#深圳灣万象城 #Ant烤肉料理 #新店開業 #深圳美食 #氛圍感餐廳 #烤肉配搭 #美食推薦 #甜品控
