#中環地膽 今個星期同媽咪慶祝生日, 訂咗IFC商場裏面嘅國金軒。地點方便之餘，環境又夠高雅，坐得舒服又體面。 🐖 西班牙黑毛豬叉燒黑毛豬叉燒外層焦香帶脆，咬落去有種黐糯糯又鬆化嘅獨特口感。脂肪分布均勻，入口瞬間融化，濃郁嘅豬肉香氣充滿成個口腔。🐙 陳醋海蜇頭陳醋嘅酸香溫和醒神，仲帶住微微回甘。海蜇頭都掛汁通，透冰涼爽脆嘅口感令人胃口大開。 🦐 水晶大蝦球蝦球大隻飽滿，透明感滿滿, 咬落去超爽彈，鮮甜原味可口, 沾點蝦醬更滋味, 兩種食法都好吃。點擊圖片放大 🍲 花膠陳皮黃魚羹湯羹稠滑如絲綢般滑，陳皮香氣若隱若現，辟腥之餘又提升鮮味。厚身花膠充滿膠質，滋補養顏好適合秋天飲。 🐟 菜脯雞汁斑翅石斑魚翅部位滑溜到筷子都差點夾唔穩，雞湯精華完全滲入魚肉。鹹香菜脯碎更添口感。 🕊️ 15年陳皮皇子乳鴿陳皮香氣滲透, 甘醇唔會鹹, 太鴿皮薄脆如糖玻璃，鴿肉鮮嫩, 真係連骨都超入味。 🦀 胭脂蟹肉炒飯飯粒染上浪漫嘅胭脂紅色，蟹肉絲絲分明，鮮味均勻包裹每粒米。炒飯乾身唔油膩，鑊氣十足。 🍡 國金美點薈萃傳統黑芝麻卷滿滿黑芝麻香氣, 口感綿密細膩, 桂花及紅豆糕甜度剛剛好, 大滿足。國金軒📍香港中環金融街8號國際金融中心商場3樓3101-07號舖#國金軒 #IFC美食 #維港景餐廳 #高級粵菜 #家庭聚會 #香港飲茶
