#chins遊深圳 今次終於嚟到期待已久嘅京九廚，專登為咗佢哋招牌北京烤鴨北上！呢度主打新京菜，裝修帶住京城特色嘅現代感，仲有透明玻璃睇到師傅片皮鴨嘅功架，未食已經流晒口水～ 東門店位置超方便，地鐵一出行兩步就到，啱晒同朋友週末嚟chill下！ 同friend夾份點雙人套餐最抵食，¥168就有齊烤鴨同小炒（美團/大衆點評落單仲方便！）?地點喺東門, 羅湖口岸過關去好方便! 點擊圖片放大 ? 經典北京烤鴨 (¥98) : 每一隻鴨都色香味俱全，點餐後即席桌前珼切，烤至金黃香脆的外皮～香氣撲鼻！口感脂香鬆脆，夾在鴨肉中的油脂香而不膩，鴨肉軟嫩，配搭青瓜、香蔥及山楂條包著一口吃下～大滿足！點擊圖片放大 ? 珍菌佛跳牆 (¥136) 湯底濃到黏嘴唇！用咗羊肚菌同花菇熬足火候，啖啖膠質，飲完成個身暖笠笠，仲有隻鮑魚仔藏喺底添～? 京九炙子烤羊肉 (¥69) 鐵板上枱滋滋聲！羊肉醃得夠香唔羶，洋蔥同孜然粉炒到燶邊，口感軟嫩帶少少焦脆，送啤酒一流！? 豆豉鯪魚油麥菜 (¥26) 鯪魚鹹香逼入菜葉度，油麥菜索盡豉汁依然爽脆，食完濃味嘢啱晒解膩～ 京九廚·新京菜·北京烤鴨(東門店) ?羅湖東門南路外貿食出大廈辦公樓1棟1樓3018-1號京九廚·京菜小館·北京烤鴨(春風路店) ?羅湖向西村向富樓西邊一樓101（地鐵9號線向西村站C出口向前150米）#京九廚 #北京烤鴨 #北上覓食 #羅湖美食 #雙人套餐 #京菜 #抵食之選 #東門美食
