#chins遊深圳 週末最鍾意北上搵好嘢食，今次終於試到心心念念嘅高級粵菜——「錦堂春想」！南山店嘅秋鮮主題真係令人眼前一亮，由環球直採到主廚即席烹調 🍂 🌊 門口海鮮檔口擺滿生猛游水海產，師傅們手起刀落嘅身影，未食已經流晒口水～ 餐廳環境高雅舒適，服務細心周到，無論係好友約會、親子聚餐定商務宴請都啱晒！ 🦐招牌椒鹽瀨尿蝦足足成尺長嘅瀨尿蝦，炸得金黃通透。蝦殼脆到一咬就碎，入面嘅蝦肉卻依然保持住彈牙口感。濃郁嘅蝦膏香混著椒鹽嘅辛香，鹹鮮味喺口腔慢慢化開, 鮮香又好吃～ 🐟 原條清蒸石頭魚雖然個樣有啲"特別"，但一啖落去就知咩叫"以貌取魚"嘅錯誤！魚肉雪白細嫩，用最簡單嘅陳皮絲同豉油清蒸，鮮甜到好似飲緊海水咁純粹。魚皮膠質豐富，啜落去黏嘴得嚟又帶點彈性，連平時唔食魚皮嘅朋友都搶住夾～ 🐦中山玻璃乳鴿石岐乳鴿皮脆得嚟透光，咬落"咔嚓"一聲，皮下脂肪完全融化，剩低一層薄薄嘅油脂香。肉質嫩滑到幾乎唔使點咬，肉汁多到要用手接住。最正係鴿胸部位，粉紅色嘅肉質保持住完美熟度! 🍄 雲南牛肝菌老鴨湯揭開蓋個陣，成枱都係菌香！湯色金黃清澈，飲落先係濃郁嘅鴨鮮，跟住牛肝菌嘅木質香氣慢慢湧現。老鴨肉燉到一撕就開，牛肝菌吸飽湯汁後變得肥厚爽滑，飲完成個人暖笠笠～ 🦀斯里蘭卡青蟹蟹蓋揭開瞬間，金黃色嘅蟹膏多到瀉出來！蟹肉結實得嚟一絲絲分明，蒜蓉炒嘅火候剛好，既帶出鮮味又唔會蓋過蟹嘅本味, 每一啖都大滿足～ 锦堂春想·广府粤菜(南山万象城店)📍海德三道大成基金总部大厦4楼🚇11號線或13號後海站行5分鐘#錦堂春想 #高級粵菜 #秋鮮主題 #深圳美食 #锦堂春想南山店秋鲜首秀
