#尖沙咀地膽 今次去海港城的臺北棧；餐牌主打台式小食、飯麵、台式特飲、甜品等！傍邊卡位以粉系裝潢，少女心加點夢幻！十分啱我心意！ 🍖🍚花膠魯肉飯 $168 花膠炆得好入味，爽彈口感彈性高、具嚼勁，配上切成條至粒狀嘅半肥瘦嘅魯肉，啖啖香濃多肉汁，香而不膩！滷水味咸淡適中。每一啖飯都食倒啖啖滷肉！ 🍜擔擔牛肉麵 $138麵底可揀刀削麵同寛粉絲；先飲一啖湯～香濃甘醇！再食一啖牛展，忟得勁淋勁入味，入口即溶化！配菜有爽脆嘅蟲草花同糖心蛋，兩樣都好出色！寛粉絲彈牙十分掛湯，香濃又惹味！ 🍗三色鹽酥雞 $128金黃色嘅鹽酥雞炸得酥脆，採用無骨雞腿肉加上自家製餣料，咬落啖啖雞肉勁香口惹味，嫩滑得黎仲有肉汁！伴碟有柚子、黑松露及冬蔭公三種不同口味醬汁，款款都好食！點擊圖片放大 🍧甜品點了桂花冰火湯丸刨冰，桂花味清香怡人，配上煙韌Q彈的湯丸十分之夾！🧋飲品點了宇治抹茶牛乳同香水檸檬冬瓜茶，宇治抹茶香濃回甘，冬瓜茶清甜可口！ 臺北棧 Check in Taipei📍尖沙嘴海港城港威商場2204-6
