#尖沙咀地膽 今次去加連威老道新開冇耐嘅和道屋食日本料理! 餐牌主打居酒屋嘅爐端燒、刺身、壽司、串燒等;傳統日式木系裝潢,坐位濶落舒適。 🐚北海道海膽手卷 $98好Igable 嘅北海道海膽手卷,海膽味道甘香厚實,入口即化;長長嘅造型海膽份量好多! 🍣香蔥吞拿魚腩小卷 $98口感綿密嘅吞拿魚壽司配搭日本蔥香氣十足,令味道更清新!已調味嘅壽司飯唔駛加醬油都好夠味! 🧀厚切吉列芝士米豚 $128之前喺日本食過一直掛嘅吉列芝士米豚,炸至金黃酥脆;豬扒厚切,肉質嫩滑,真正外脆內軟,中間夾住已半溶化嘅芝士,芝香滿滿!份量好足! 🍗汁燒免治雞肉雞軟骨棒$68 :自家製雞肉串口感軟嫩,肉汁滿滿,配埋日本蛋黃一齊食更香更滑!🍗汁燒雞肉大蔥串 $32 :用咗日本雞,雞皮香脆,雞肉嫩滑,大蔥保持水份,唔錯!🍗鹽燒雞腿肉串 $32:鹽燒嘅雞皮更香更脆,肉質嫩滑又juicy,鹽燒帶出雞肉鮮味!🫔豚肉香蔥卷 $36 : 燒到香脆嘅豚肉包住一大扎香蔥,香氣特出,口感層次豐富! 🍙燒飯團 $28 :香脆嘅飯糰燒得啱啱好唔會太乾,值得一試!和道屋 Wado Izakaya 📍尖沙咀加連威老道 46 - 48 號恆隆銀行大廈地舖及閣樓