#灣仔地膽 今次去公司附近嘅🦪The Oyster House食生蠔!地點喺QRE 25樓;餐牌主打各地區嘅生蠔、餐前小吃、pizza,意粉、扒類等美食! 🦪Tomo、La Lune、Louet Feisser🦪 我比較鐘意食爽口嘅蠔,店員推介日本嘅Tomo,法國La Lune同愛爾蘭嘅 Louet Feisser,日本蠔身較薄,肉質爽甜;愛爾蘭比較厚身,蠔味清新帶點海水味;蘇格蘭蠔肉結實爽口,蠔味最出眾! 🍅Bruscnetta 4pcs $79 輕輕炙烤過嘅麵包,上面再放上以味道酸中帶甜嘅番茄,加入大蒜、橄欖油等調味嘅餐前小吃,十分開胃! 🐚Hokkaido Scallops $149 北海道帶子上面滿滿木魚絲,帶子肉厚身,肉質扎實鮮甜,烤焗後香氣特出! 🥣Truffle Mushroom / Oyster Soup $89 蠔湯蠔氣鮮明突出!口感綿密細膩,湯裡仲有大大隻蠔!松露蘑菇湯同樣好味,香氣撲鼻! 🐽Canadian Pork Chop $249 加拿大豬鞍燒烤到外皮帶點焦香;肉質7成熟煮得軟嫩香滑!肉汁爆滿,肉味濃郁! 🍮Daily Desserts $99 好啱打卡嘅甜品,雲呢拿雪糕頂層有焦糖薄脆,下層有香甜嘅蘋果脆脆,甜度恰到好處! The Oyster House📍灣仔皇后大道東202號QRE Plaza 25樓