#旺角地膽 今次去壹號漁船,食以海鮮為主打嘅火鍋! 餐廳有自助火鍋區同點心小菜區,店內設有漁池,鮮活海鮮即叫即撈!120分鐘晚市自助火鍋,共8款湯底,自助區有超過40種火鍋配料比你揀;餐廳佔全層,坐位濶落舒適!一大班朋友黎都坐倒! 📣新張優惠可享88折,19:30或之前結帳離座或20:30後入座,更可享正價82折,Openrice訂座可享85折不分時段,新張限定仲送蠔皇原隻鮑魚扣百花菇,性價比好高! 🍲 🥩 C餐 - 特級牛頸脊及SRF黑和牛肩胛 $328/位(套餐包括每人半隻波士頓龍蝦、鮑魚、海蝦、海斑、生蠔、小紅魷、蝦丸同墨魚丸) 🥣壹號龍蝦湯鍋:八種湯底中我地揀左壹號龍蝦湯鍋,呈橙色嘅湯頭濃郁,味道鮮甜,配料有海蝦及大蜆等!鮮氣十足! 🦞波士頓龍蝦海鮮盤:有肥美肉嫩鮮甜嘅鮮波士頓龍蝦、軟彈口感嘅鮑魚、鮮甜嘅海蝦、肥美肉厚嘅生蠔、魚肉清甜嘅海斑、鮮味爽彈嘅小紅魷;點擊圖片放大 同埋彈牙嘅鮮爽蝦丸/鮮墨魚丸;樣樣都好新鮮!上枱時海蝦仲扎扎跳! 🥩特級牛頸脊肉味香濃,脂肉均勻紋路清晰;SRF黑和牛肩胛肉質紥實香口,脂香而不膩,口感帶嚼勁! 🍄蠔皇鮑魚扣百花菇:鮑魚口感軟彈,百花菇配秘製醬汁十分入味! 🥟火鍋配料:我地揀左雲吞/餃子,兩款都餡料十足! 🍦最後我地食埋雪糕做甜品大滿足!壹號漁船 BOAT ONE📍旺角彌敦道610號荷李活商業中心2樓A及B號舖