今次去了尖沙咀人氣的味道樂居酒屋!以日式木系裝潢,餐牌除左有魚生,仲有壽喜燒、串燒、丼飯等日式料理!價錢親民而且食物種類都幾多! 🍣滿滿幸福嘅海膽丼 /$298 超靚嘅丼飯面層有特多海膽,海膽香濃厚實,鮮甜甘香;下層有厚厚嘅香蔥拖羅軟綿細滑,除左丼飯,伴碟有美味甜蛋,同埋大大粒三文魚籽配青瓜,清甜又爽口!食完的確滿滿幸福💯 🥩炭燒岩鹽美國封門柳牛肉200g /$198美國封門柳牛肉,肉味香濃多肉汁,油脂均勻軟嫩!脂香滿滿帶點炭香味!配搭脆蒜片一齊食帶出牛的香味及減輕油膩感! 🍳黑松露溏心蛋 /$48 :極香嘅黑松露配溏心蛋,好夾好好味! 🦑七味唐揚魷魚鬚 /$88:炸至金黃色嘅魷魚鬚,香脆可口,外脆內軟! 🍚煙肉櫻花蝦炒飯 / $88 :口感卜卜脆嘅櫻花蝦,配搭咸香嘅煙肉粒一齊炒飯,富層次感又飽肚! 味道樂居酒屋📍尖沙咀河內道2號地舖