去睇戲前喺尖沙咀K11 Musea揾食，饞·台式食堂喺B2近萬寧果邊，地方整潔亮麗，坐位濶落，同灣仔店一樣嘅餐牌，主打招牌台式飯麵、炸物、同埋特色台式飲品等，價錢十分親民！點擊圖片放大 🍗🍚搭香鹽酥雞滷肉飯 $79 金黃色嘅鹽酥雞炸得酥脆，用左無骨雞腿肉加上五香粉等作餣料，難怪咬落啖啖雞肉勁香口惹味，嫩滑得黎仲有肉汁！伴碟有生菜沙律🥗味道清新！滿滿滷肉嘅飯香濃多肉汁，滷肉選用豬腩肉，香而不膩！滷水味咸淡適中。每一啖飯都食倒啖啖滷肉！飯嘅份量都好足！推介！點擊圖片放大 🥩🍜饞半筋半肉麵 $88好正宗嘅台式紅燒牛肉麵，🍜麵底可揀刀削麵同陽春麵；湯頭可揀紅燒、川香麻辣🌶️、辣番茄🍅！我揀左紅燒＋陽春麵，先飲一啖湯～香濃醬油味帶點甘醇！牛肉忟得勁淋勁入味，入口即溶化！牛筋都足足兩大條～煙韌口感滿滿骨膠原！配菜有生菜同酸菜，麵底比較偏軟身，連埋湯一齊食更香濃惹味！點擊圖片放大 🍢滷味拼盤 $74 有豆腐、牛筋、肉丸、滷蛋同酸菜；滷水汁選用台灣醬油，味道甘甜順喉，帶點咸香，好有台式夜市嘅味道！🧋飲品點了蒟蒻球白桃烏龍及三寶珍珠奶茶，白桃烏龍茶味好香！珍珠奶茶台味十足！必試！饞·台式食堂地址📍：尖沙咀梳士巴利道18號Victoria Dockside K11 MuseaB2樓201號舖
