原來銅鑼灣嘅鬼混Vie won won搬左去西環；梗係要相約西環返工嘅舊同事一齊去！裝潢走古典風，樓底高空間感十足！餐牌主打fusion菜式，選擇十分之多！上菜比較慢，適合慢慢傾計嘆！點擊圖片放大 🍖 慢煮西班牙豬肋骨（Half）$228豬肋骨出場超驚喜！超！巨！型！嘅豬肋骨外皮燒得焦香色澤鮮明！極厚切嘅豬肋骨，外皮帶點焦香，肉質鮮嫩肥瘦均勻有咬口，肉汁豐富肉味香濃，油脂香而不膩！伴碟有沙律菜伴醋汁，可減輕由膩感！點擊圖片放大 🦀蟹膏蟹肉燉飯 $198擺盤極蕔嘅蟹膏蟹肉燉飯，一上枱香氣滿滿，頂層有咸香味道濃郁嘅蟹膏，同鮮甜無比嘅蟹肉！醬汁香滑creamy，意大利飯軟硬度煮得啱啱好，十分出色！點擊圖片放大 🍸 The Taste of Life $98 䬣品我地都揀左The Taste of Life，酒味香醇細膩，甜甜地幾好味！跟酒送了一個咸蛋黃脆脆作為下酒小食，相當不錯！鬼混 (西環)地址📍：西環南里8號地舖
