#銅鑼灣地膽 今次去GAIJIN食靚靚西餐賀好姐妹生日！餐廳坐位濶落，每張枱都有板隔住，私隱度好高！店員有禮介紹菜式，我地揀左Dinner set 一齊share ! 有頭盤，餐湯、main course及甜品！最開心係朋友生日仲會寫生日祝福喺甜品度！點好菜就送上熱辣辣嘅牛角包及芝士忌廉包🥐香酥脆口，配自家製牛油十分好味！ 🐚頭盤 ：我地揀左🐚清酒牛油鮑魚同🦪和風清酒煮忌廉蠔；牛油加清酒味道清香而不膩， 鮑魚口感彈牙，十分鮮甜！和風清酒煮忌廉蠔，厚厚一層忌廉好igable，香滑嘅creamy同生蠔十分夾！ 🥣是日餐廳係煙肉燒蒜薯蓉湯；湯頭濃郁帶點蒜香，煙肉薯蓉有口感，用牛角包沾餐湯更滋味！ 🍖日本鹿兒島和豚豬扒日本鹿兒島和豚豬肉汁爆滿，脂肪同肉均勻！熟度都啱啱好！香煎夠哂鮮味又香口！伴碟有焗薯仔千層及蔬菜，十分出色！ 點擊圖片放大 🍝北海道海膽帶子意大利粉色澤鮮艷嘅北海道海膽帶子意大利粉，海膽香濃厚實，帶子鮮甜彈牙，忌廉汁香濃好creamy，意粉加入菇粒等令口感更豐富！ 🍰是日甜品set有朱古力蛋糕、咖啡味雪糕及提子🍇朋友生日小驚喜，以仙氣飄飄嘅小雪糕球及生日祝福作結尾！下次再來！GAIJIN地址📍：銅鑼灣登龍街28號永光中心9樓
