#銅鑼灣地膽 今次去泰簡單食泰國菜，餐牌主打泰式炸物、咖哩、海鮮、特色飯麵🍜等，選擇好多！頂樓空間感十足～一開電梯門仿如置身泰國！可揀坐室內或室外位置！ 🍖燒豬頸肉 $96 帶點炭香味嘅板燒豬頸肉，入口香濃有嚼勁，油脂香溢，完全唔乾！配埋泰式醬一齊食更惹味！ 🥬馬拉盞炒通菜 $ 105 通菜香辣惹味帶點咸香，通菜炒至剛剛好，咬落口感保持新鮮爽脆，好食到停唔倒口！ 🍍原個菠蘿海鮮焗飯🍚$128賣相極靚嘅菠蘿海鮮焗飯，頂層有滿滿肉鬆，下層係金黃色嘅焗飯，海鮮有蝦球、蜆肉、鮮魷等，焗飯飯粒分明夠濕潤，啖啖都食倒粟米、新鮮菠蘿、提子乾等配料，令成個飯口感更豐富！味道酸酸甜甜好開胃！ 🥥椰汁雞湯 $75 湯頭清香，椰汁味同雞味均勻，配料有雞肉、車厘茄、草菇及泰式香料等；香氣撲鼻，順滑又暖胃！ 🥤飲品我地點左鮮菠蘿汁同埋椰青，椰青清甜可口～ 鮮菠蘿汁綿滑清甜，兩杯都咁好味！Thai Simple Kitchen(泰簡單）地址📍：香港 銅鑼灣 謝斐道517號 總統戲院3字頂樓
