小週末繼續北上 #深圳一日遊 今次去深圳25年本土品牌必吃嘅朝鮮族料理老店 - 屋裡家延邊朝鮮族料理！店家於1998年由延邊將老家食材帶到深圳 主打朝鮮族家常菜館，以傳統朝鮮風格佈置及裝潢，仲有榻榻米坐位氛圍感十足！科學園站行8分鐘到，由羅湖口岸打車約10分鐘車程！點擊圖片放大 🔥🍖 韓式鐵板五花肉 店內必吃嘅韓式鐵板五花肉，燒好之後先上枱，微焦狀態超勁juicy而不肥膩，肉脂肪豐盈，煙韌有咬口！配埋生菜及辣醬等一齊食更能吃出傳統滋味！ 🐙白灼八爪魚鮮嫩口感QQ彈彈嘅白灼八爪魚，食材新鮮，輕輕白灼鮮味十足！果然是2022年深圳本地人推薦餐廳！ 🌶🥣辣白菜湯 火紅色湯有泡菜、豆腐、豬肉、菇類同洋蔥等，又爽又辣非常惹味！辣白菜偏酸，味道夠醒胃，跟左一碗白飯可泡湯食！ 🍜拌麵頂層一片牛板腱、雞蛋同蘋果，下面有帶點紫色嘅蕎麥麵，麵質柔軟又有點韌勁，配埋冰冰涼涼嘅酸湯汁味道清爽又解膩！ 🍄乾炸鮮蘑菇 成坐山咁高嘅炸鮮蘑菇，炸至金黃色卜卜脆嘅外皮，裡面嘅鮮蘑菇原汁原味，可配搭店家嘅咖哩醬料一齊食，香脆可口，下酒必點！ 🍷飲品我地點左原味米酒，味道酸酸甜甜，香醇濃郁！ 屋裡家延邊朝鮮族料理地址📍：福田區-南園路埔尾新村43棟104號營業時間：11：00-22：30
