終於有時間去旺角嘅餃子專門店 – 三一餃子！餐牌主打多款自家製餃子，煮法可揀煎餃、湯餃及餃子；另外仲有清酒及特色下酒小食，價錢親民！點擊圖片放大 🔥火焰醉雞翼 $48/6隻上枱時店員立即點火！將醉雞翼嘅酒味散發～香氣撲鼻！配上甜甜地嘅柚子蜜中和左酒嘅苦味！雞肉軟嫩好好味！點擊圖片放大 🍄招牌煎餃子貳號🥟（雙拼）$56/10隻 招牌餃子皮薄餡嫩，雙拼揀左黑白松露豬肉；松露味道濃郁，同樣以新鮮豬肉做餡料，咬開唔會散哂，肉質扎實得黎食得出人手包嘅口感！點擊圖片放大 🥟煎餃子大阪燒 $62/10隻喺薄脆嘅網紋上滿滿木魚碎及日式燒汁，配招牌餃子貳號，雙拼揀左粟米豬肉餃，粒粒粟米🌽口感豐富又清爽！ 點擊圖片放大 🧄煎冰花鮮餃 $58滿滿香蒜嘅煎冰花鮮餃，揀左蒜芯豬肉餃子，口感十分爽脆！ 點擊圖片放大 🥣湯餃子🥟 (雙拼) $52/10隻 芫茜豬肉餃拼韭黃墨醉雞餃； 芫茜香氣突出，韭黃醉雞帶點酒味，兩款都唔錯！食完煎餃，食個湯餃子，飲返湯幾暖胃！🍢關東煮 $38：好有日本地道嘅味道！份量好足！ 🍶日本清酒二段酵母仕込 $78/300ml 邊飲清酒邊食餃子，估唔到又幾夾！🍵飲品點了手工冷泡‧白桃烏龍茶 $28，清清甜甜幾好！三一餃子 (通菜街)地址📍： 旺角通菜街71號地下
