#銅鑼灣地膽 今次去登龍街新開嘅日式居酒屋 – 大將王 ; 餐版主打刺身、壽司、串燒、丼飯、炸物等。裝潢滿滿日本氛圍!坐位濶落舒適!點擊圖片放大 🐟🍱雜錦魚生丼 $168 魚生成坐山咁滿嘅🐟雜錦魚生丼有牡丹蝦、三文魚、帶子、吞拿魚等;牡丹蝦鮮甜肥美、三文魚厚切粒粒油脂甘香,帶子口感爽彈,樣樣都好新鮮,鮮味十足! 🍗🍱燒玉子日本雞丼 $88 滿滿雞肉嘅丼,中間放左一個温泉蛋,雞皮煎甘香薄脆,醬汁香甜,肉嫩仲幾juicy;撈勻溫泉蛋食更添滋味!🍢串燒:點擊圖片放大 🥚燒自家製雞軟骨棒 $48: 軟嫩嘅雞肉加上雞軟骨令口感豐富!配埋日本蛋一齊食更香更滑,必試! 🍗燒大蔥雞 $32:燒得黃金香脆嘅雞肉,肉汁爆滿!爽脆口感嘅大蔥好夾好好味!🍗燒雞脾肉串 $32: 滑溜肉汁爆滿嘅雞腿肉,香口又惹味!🍖黑毛豬頸肉 $38 : 豬頸肉油香滿溢!肉質爽口彈牙!🥤飲品點了波子汽水及蘋果梳打,冰冰涼涼又解膩!大將王地址📍:銅鑼灣登龍街31-35號地舖