#銅鑼灣地膽 今次去鮨悠食omakase,地點位於渣甸中心6樓;晚市主打廚師發板,我地揀左 悠Tasting Menu !全吧枱設計坐得舒服! 🍴悠-廚師發辦 $988/位 (包括先付三点、刺身 4点、和食、壽司 8貫、吸物及甜品) 🥗先付三点:有清湯蟹肉洋羹,淡淡嘅清湯十分鮮味;第一次食日本食用仙人掌,配上黑蜜糖,味道酸中帶甜,好fresh!第三樣就係合桃小女子魚乾,味道偏甜好開胃!點擊圖片放大 +2 🍣刺身4点:有薄薄香甜嘅深海池魚、口感綿密嘅鰤魚配柚子胡椒及炙燒鰤魚腩配三色漬、超鮮味嘅活赤貝同以紫菜包住嘅池魚磯邊卷!各有特色,鮮味十足! 🐟和食:銀雪魚西京燒配葫蘆瓜同芥末籽醬,煎得好薄脆嘅魚皮香口惹味!配埋滑溜魚肉,味道適中好夾! 🍣壽司 8貫:有鮮甜爽口北海道帆立貝、肉嫩香甜金目雕、炙燒後迫出魚油嘅梭子魚、脂香綿密嘅中拖羅、魚香滿滿嘅鯖魚配白板昆布,口感帶點煙韌嘅野生銀鱈魚bb配醋麵豉醬、獨特香氣嘅鮟鱇魚肝及我最愛嘅北海道馬糞海膽,香濃厚實,入口鮮甜甘香溶化!🍲吸物:櫻花蝦麵豉湯,味道適中又暖胃! 🍦甜品有我最鐘意嘅紅豆雪糕,香甜可口;為精彩嘅Omakase劃上完美嘅句號!鮨悠 Sushi Yuu地址:📍銅鑼灣渣甸街50號渣甸中心6樓