火鍋之友今次帶我去食日式Shabu Shabu – 天心!地點喺旺角嘅The Forest一樓。menu主打Shabu Shabu、鍋物、炸物、串燒、拉麵同日本品牌Runny Cheese嘅芝士蛋糕等🍰!裝潢滿滿日本氛圍!坐位濶落舒適! 🍲塩味牛肉鍋 $618/二人份牛肉塩味鍋包括米國肥牛同極級牛肩胛各一碟;點擊圖片放大 米國肥牛脂色澤亮麗,脂肉分明,薄薄一片口感軟嫩肉味香濃、軟身易人口;極級牛肩胛牛肩胛肉味香濃,肉質紥實香口!兩樣都好味!跟左兩隻日本食用生雞蛋,一齊食更香更滑!點擊圖片放大 🥣塩味鍋以淡淡嘅塩作湯底,湯頭不算濃郁,鐘意重口味可加師傅自家調醬油、麻醬、蘿蔔蓉等加埋一齊食,更顯牛肉鮮味!🥬蔬菜拼盤有紅白蘿蔔、椰菜、舞茸菇、冬菇、蒟蒻、粉絲等,菜類新鮮翠綠,口感爽脆!份量好足!🍢我地加左拉麵及年糕片,年糕片軟糯帶點煙韌,拉麵夠彈牙!點擊圖片放大 🍤炸物:北海道帆立貝/廣島蠔炸串/溏心蛋大大粒三文魚籽下嘅帆立貝,外脆內嫩,鮮甜爽口;廣島蠔香脆爽彈,溏心蛋炸完都唔乾相當唔錯!點擊圖片放大 🍰日本直送嘅Runny Cheese芝士甜品:朱古力🍫味同開心果味羽二重芝士奶油夾心餅!上層係餅,中間有麻糬及二重芝士奶油,芝士味香濃,甜度適中,口感豐富,必食! 店內仲有打氣清酒bar, 期間限定$298 同$398 任飲清酒添!天心 Tengokoro地址📍:旺角奶路臣街17號The Forest1樓114號舖