荃灣最近新開左間日式餐廳 – 豚本家。地點喺地鐵站對面嘅富華中心2樓;餐牌主打吉列、日式定食、刺身丼、烤肉等一人前等!點擊圖片放大 定食跟餐有茶碗蒸、味增湯及白飯。價錢十分親民!店員推介佢地嘅炸物,梗係要試下!點擊圖片放大 🍖吉列厚切豬扒定食 $115 超巨型吉列厚切豬扒,外層金黃酥脆,咬落鬆化香口而唔油膩!內裡嘅豬扒保留倒肉汁唔會好乾,配埋自家製燒汁食更惹味!飯粒有咬勁,茶碗蒸蛋香滑溜,仲有冬菇作配料!味增湯亦相當唔錯!點擊圖片放大 🍗南蠻炸雞定食 $75 估唔到南蠻炸雞都係咁巨型!頂層有滿滿他他醬汁!金黃色炸得酥脆嘅雞皮,炸醬薄脆,雞肉軟嫩仲仲幾juicy,配埋帶點牛油香嘅他他醬食特別滋味!飯量好足!沙律生菜絲仲可無限添加!配芝麻醬食份外清甜!點擊圖片放大 🍢一口炸豆腐 $28: 帶點微辣嘅一口炸豆腐,外脆內軟!無得彈!🥟煎餃子 $38 :咬落香脆,必點自家製肉汁滿滿餃子!🦑唐揚魷魚鬚 $58 :唐揚魷魚鬚炸漿輕薄香脆,魷魚鬚口感彈牙! 豚本家地址📍荃灣青山公路荃灣段210號富華中心商場2樓B號舖