星期六中午同亞媽出尖沙咀行街,經過金馬倫道新開嘅滝雲嘅比佢嘅午市商務二人前吸引住!餐牌有除左有魚生之外,仲有好多熱食及熟魚可選擇呢! 🍱午市商務二人前 $580/2位 ( 包括有先付、茶碗蒸、時令刺身五點、和食兩種、迷你丼/烏冬兩種及甜品)點擊圖片放大 🍣時令刺身五點:吞拿魚赤身、鯛魚、深海池魚、北海道帆立貝同牡丹蝦;鯛魚肉嫩香甜,赤身香濃綿滑,帆立貝同牡丹蝦都清爽又香甜!十分新鮮!點擊圖片放大 🥩汁燒牛小排:以Teriyaki 汁燒嘅牛小排,油花比例均勻,入口軟嫩肉味香濃!肉汁滿滿唔油膩!🐟汁煮魚鮫:以日本甜豉油作汁黎慢煮時令魚鮫,媽媽食完大讚!魚鮫豐腴肥美,魚肉嫩滑,鮮香細膩!鐘意食魚嘅人必定要試!除左魚鮫仲有魚嘅其他部位,份量都幾多! 點擊圖片放大 🍣火炙魚生迷你丼:火炙迫出魚油嘅脂香!迷你丼有三文魚、吞拿魚、帆立貝等;吞拿魚入口即溶、三文魚油脂滿溢、帆立貝極鮮甜,仲有幾片燒過嘅蛋焦香香甜!滿滿新鮮魚生大滿足!點擊圖片放大 🍜野菜烏冬:先飲一啖湯,湯頭清甜,烏冬爽口彈牙! 🥚茶碗蒸:滑溜蛋味香濃嘅茶碗蒸,面層有彈牙魷魚,食到最底仲有魚蛋,太好味啦!🍮甜品:是日甜品綠茶奶凍,奶香茶味甘甜🍵!滝雲地址📍:尖沙咀金馬倫道58-60號國鈀大廈地下B號舖