五一假期,專登去荃灣海之戀商場試下人氣豆乳甜品餐廳 – 豆乳狂人;餐廳每日堅持親手製作豆乳,自家研發並將豆乳新概念融入甜品;餐牌主打除左豆乳甜品,仲有多種小食及飯團🍙難怪晚飯時間都咁多人等;點擊圖片放大 餐廳傍嘅坐位環境舒適,開揚又夠chill,新推出左摩天麻糬樂園,有可愛麻薯公仔及多個打卡位添!點擊圖片放大 🍠🍡紫麻薯小丸豆花 $58 :滿滿紫色嘅甜品,有齊紫薯麻薯、小丸子同豆花,小丸子QQ彈彈嚼勁十足,香滑豆香嘅豆花加上紫色的麻薯,香甜又滋味!🍬黑糖珍珠豆花 $32 : 甜甜蜜蜜又Q彈嘅黑糖珍珠,配上順滑豆香嘅豆花,食哂都唔會太飽肚!🍡十勝紅豆豆乳 $ 32 :我自己最鐘意呢款,因為十勝紅豆香甜又有咬口,配上豆乳味濃郁嘅豆乳,口感濃稠,層次豐富!飲完仲想再飲!點擊圖片放大 🌿仙草豆乳 $28: 香濃嘅豆乳配入口滑溜嘅仙草,口感增加又唔會太甜!🍙狂人粢飯 $32: 就是傳統粢飯,以糯米包住油炸鬼﹑榨菜、肉鬆等餡料;糯米柔軟綿密,配上咸香嘅油炸鬼、肉鬆同炸菜粒、口感豐富無得彈!🍗和風七味炸脆雞 $32 : 懶人至愛嘅單骨雞翼,炸得金黃鬆脆,滿滿七味粉帶點微辣十分惹味!點擊圖片放大 SOYmart by 豆乳狂人 (荃灣)荃灣大河道100號海之戀商場2樓2036號舖