Easter個個飛，可惜冇我份，唯有約好姐妹食返餐好嘅繼續 #食左當去左旅行系列 ！#銅鑼灣地膽 今次食蟹慶🦀嘅會席套餐，由日籍主廚監製，並搜羅各地名蟹，由前菜、剌身、蒸蟹、浜燒、雜炊等一應俱全！以傳統木系日式裝潢，卡位私隱度高，濶落又舒適，啱哂同朋友Happy Hour飲返幾杯 ! 🦀 特選會席套餐 $2988/二人前點擊圖片放大 🥗蟹肉三文魚籽沙律、炸雞軟骨及漬物 ：有鮮甜蟹肉、卜卜三文魚籽同新鮮沙律菜嘅沙律好fresh！小碟入面有炸到香脆嘅雞軟骨同漬物十分開胃！🐟時令刺身：有脂香軟綿嘅拖羅，北海道帶子同牡丹蝦；樣樣都清爽又香甜！十分新鮮！🥚黑魚子海膽蟹肉蒸蛋：面層有大大片馬糞海膽及滿滿咸香嘅黑魚子，配滑溜嘅蛋，食到最底仲有白果等，太好味啦！點擊圖片放大 🍷蟹肉鍋巴配紅酒鵝肝：面層有綿滑吞拿魚蓉，底部係鍋巴脆口甘香，口感豐富！紅酒鵝肝粒有淡淡酒香相當唔錯！🦀日本時令活蟹：清蒸原隻日本毛蟹，上枱已經超震撼！中間嘅蟹膏蟹蓋更吸睛！清蒸就係食蟹肉嘅原味！蟹肉嫩滑鮮味無比！全隻蟹都細心地開好哂，超容易食！估唔到蟹腳都厚肉！可配搭水雲蟹醋一齊食更鮮更香口！ 點擊圖片放大 🥩鹿兒島A5和牛：油脂爆滿而不油膩，牛肉味香濃！口感帶點韌勁；可配搭脆蒜片及醬汁一齊食，令牛嘅鮮味更提升！🦀浜燒鱈場蟹腳：驚喜又好味嘅浜燒鱈場蟹腳！燒得香口咸香滿滿，啖啖肉，鮮甜又美味！🍲松葉蟹雜炊：香甜嘅蟹粥，加入蘿蔔粒同菇等，鮮味仲暖笠笠！點擊圖片放大 🥣汁物 ：味道清甜嘅海鮮湯，有魚、蝦、貝柱等，加入青檸汁更fresh！🍮甜品 ：日式芝士蛋糕同OReo奶凍綠茶缺餅同樣好食！大滿足嘅一餐！蟹慶地址📍：銅鑼灣軒尼詩道525號澳門逸園中心地庫
